LIVE निकाल :
– पहिला निकाल जाहीर : मंधांता मतदारसंघाचा निकाल जाहीर झालाय. या जागेवर भाजपचे उमेदवार नारायण पटेल यांना विजयी घोषित करण्यात आलंय. त्यांनी काँग्रेसच्या उत्तमपाल सिंह यांना २२,१२९ मतांच्या मोठ्या फरकानं पछाडलंय.
– मुख्यमंत्री शिवराज सिंह यांनी ट्विटरवरून राज्यातील जनतेचे आभार मानलेत. भाजपला मध्य प्रदेशची जबाबदारी सोपवण्याचा जनतेनं निर्णय घेतल्याचं स्पष्ट दिसतंय, असं त्यांनी आपल्या ट्विटमध्ये म्हटलंय.
– दुपारी १.०५ वाजता : एकूण २८ जागांपैंकी १९ जागांवर भाजप उमेदवार आघाडीवर आहेत तर ८ जागांवर काँग्रेस आणि एका जागेवर बसपा उमेदवार आघाडीवर आहे.
– हडामलहरा मतदार संघ, छतरपूर : भाजपचे प्रद्युम्न सिंह लोधी आघाडीवर, काँग्रेस उमेदवार रामसिया भारती पडले मागे
– हाटपिपल्या मतदार संघ, देवास : भाजपचे मनोज चौधरी आघाडीवर, काँग्रेसचे राजवीर सिंह मागे
– डबरा मतदारसंघ : भाजप उमेदवार आणि मंत्री इमरती देवी पुढे, काँग्रेसचे सुरेश राजे पिछाडीवर
– ग्वालियर मतदारसंघ : भाजप उमेदवार प्रद्युम्न सिंह तोमर यांची आघाडी, काँग्रेसचे सुनील शर्मा २००० मतांनी मागे
– दुपारी १२.२० वाजता : ताज्या अपडेटनुसार एकूण २८ जागांपैंकी २० जागांवर भाजप उमेदवार आघाडीवर आहेत तर ७ जागांवर काँग्रेस आणि एका जागेवर बसपा उमेदवार आघाडीवर आहेत.
– सकाळी १०.३० वाजता : मध्य प्रदेश पोटनिवडणुकीचे काही कल हाती आलेत. त्यानुसार, २८ जागांपैंकी १९ जागांवर भाजप उमेदवार आघाडीवर आहेत. तर ८ जागांवर काँग्रेसला आघाडी मिळालीय.
– ‘आयटम’च्या वादावरून प्रकाशझोतात आलेल्या इमरती देवींना मतदारांनी दिलेला कौल प्राथमिक मतमोजणीतून दिसून येतंय
वाचा : वाचा :
‘कमळ’ कायम राहणार?
मध्य प्रदेश पोटनिवडणुकीच्या ( madhya pradesh bypolls ) निकालात ‘कमळ’ कायम राहणार ( kamal nath ) की पुन्हा एकदा जनता सत्तापालट घडवून आणणार आणि कमलनाथ ( kamal nath ) यांना सत्तास्थापनेसाठी वाव मिळणार? याचा निकाल जाहीर होऊ शकतो.आपणच सर्व जागा जिंकणार, असा दावा भाजप आणि कॉंग्रेस या दोन्ही पक्षांनी केला आहे. एक्झिट पोलच्या अंदाजानुसार मध्य प्रदेशात भाजप आपले सरकारला वाचवण्यात यश येईल, असं दिसून येतंय.
वाचा : वाचा :
मध्य प्रदेश विधानसभेत २३० जागा आहेत. भाजपकडे सध्या १०७ आमदार आहेत. कॉंग्रेसचे ८७ आहेत. बहुजन समाज पक्षाचे २ आहेत. समाजवादी पक्षाचे १ आणि ४ अपक्ष आहेत. २८ जागांसाठी झालेल्या पोटनिवडणुकीत २२ जागा या ज्योतिरादित्य समर्थक आमदारांनी कॉंग्रेस सोडल्याने रिक्त झाल्या होत्या. यामुळे राज्यातील काँग्रेसचे कमलनाथ कोसळले. आणि भाजपचे शिवराज सिंह चौहान ( shivraj singh chauhan ) मुख्यमंत्री झाले. यानंतर काँग्रेसच्या आणखी ३ आमदारांनी पक्ष सोडला. तर कॉंग्रेस २ आणि भाजपच्या एका आमदाराच्या निधनाने आणखी ३ जागा रिक्त झाल्या.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
