राष्ट्रहिताहून अधिक विचारधारेला महत्व देणे चुकीचे: पंतप्रधान मोदी

नवी दिल्ली: यांनी व्हिडिओ कॉन्फरन्सिंगद्वारे जवाहरलाल नेहरू विद्यापीठ () कॅम्पसमधील स्वामी विवेकानंदांच्या पुतळ्याचे अनावरण केले. प्रतिमेच्या अनावरणानंतर पंतप्रधानांनी अमर रहेच्या घोषणा दिल्या. स्वामी विवेकानंदांचा हा पुतळा राष्ट्राप्रती प्रेम आणि करुणा शिकवेल, प्रेरणा देत राहील असे पंतप्रधान मोदी या वेळी संबोधित करताना म्हणाले. राष्ट्रहितापेक्षा अधिक महत्व आपल्या विचारधारेला देणे चुकीचे आहे. यामुळेच आमच्या लोकशाही व्यवस्थेचे मोठे नुकसान झाले असे मोदी म्हणाले. माझी विचारधारा अशी आहे, म्हणून मी देशहिताच्या बाबतीत देखील माझ्या विचारधारेप्रमाणेच विचार करेन, याच मर्यादेत मी काम करेन असे म्हणणे चुकीचे आहे, असे मोदी पुढे म्हणाले.

स्वामी विवेकानंद यांच्या पुतळ्याच्या व्हिडिओ कॉन्फरन्सिंद्वाकरे अनावरण केल्यानंतर पंतप्रधान नरेंद्र मोदी यांनी जेएनयू प्रशासन, सर्व शिक्षक आणि विद्यार्थ्यांचे अभिनंदन केले. मूर्तीवरील विश्वासाचे रहस्य हेच आहे की तुम्ही त्या मूर्तीद्वारे व्हिजन ऑफ डिव्हीनीटी विकसित करता असे स्वामी विवेकानंद म्हणत असल्याचे मोदी म्हणाले.

जेएनयूमध्ये उभ्या राहिलेल्या या स्वामीजींच्या पुतळ्यामुळे सर्वांना प्रेरणा मिळो असे मोदी म्हणाले. स्वामी प्रत्येकामध्ये जे साहस पाहू इच्छित होते ते साहस प्रत्येक व्यक्तीमध्ये या पुतळ्यामुळे निर्माण होवो, असेही मोदी म्हणाले. स्वामी विवेकानंद यांच्या विचारांचा मुख्य आधार असलेल्या करुणेची प्रेरणा सर्वांना मिळो. हा पुतळा आम्हाला देशाप्रती आगाध प्रेम शिकवो, प्रेम शिकवो. हेच स्वामीजींच्या जीवनाचा सर्वोच्च संदेश आहे, असे मोदी म्हणाले.