मिळालेल्या माहितीनुसार, म्हसरोली गावातील रहिवासी बाळकृष्ण सातवी (वय ५५) यांनी पोलिसांना सांगितले की, गावातच राहणारा त्यांचा जावई संजय पाटील (वय ३०) हा त्यांच्या मुलीला नेहमी मारहाण करतो. यामुळे सातवी यांनी जावयाची समजूत काढण्याचा प्रयत्न केला. यावरून त्याला राग आला. त्याने घरातून कोयता आणला आणि सासऱ्यावर वार केले.
कोयत्याचे वार केल्याने त्यांच्या हाताची दोन बोटे तुटली. या हल्ल्यापासून वाचवण्यासाठी त्यांचा मुलगा कुणाल पुढे आला. त्याने कुणालवरही हल्ला केला. या हल्ल्यात सासरा आणि मेहुणा गंभीर जखमी झाला आहे. दोघांना स्थानिक रुग्णालयात दाखल करण्यात आले असून, तेथे त्यांच्यावर उपचार सुरू आहेत. पोलिसांनी आरोपी पाटील याच्यावर विविध कलमान्वये गुन्हे दाखल केले आहेत.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
