करोना: 'ही' लस टोचल्यावर जाणवला 'हँगओव्हर'; स्वयंसेवकांनी सांगितला अनुभव

वॉशिंग्टन: करोना संसर्गाचे थैमान संपूर्ण जगभरात सुरू आहे. तर, दुसरीकडे करोनाला अटकाव करण्यासाठी लस विकसित करण्याचे प्रयत्न सुरू आहेत. अमेरिकन फार्मा कंपनी फायजर विकसित करत असलेल्या करोना प्रतिबंधक लशीच्या तिसऱ्या टप्प्यातील चाचणीचे प्राथमिक निष्कर्ष समोर आले आहेत. फायजर विकसित करत असलेली लस ९० टक्क्यांहून अधिक प्रभावी असल्याचे समोर आले आहे. या लस चाचणीत सहभागी असलेल्या स्वयंसेवकांनी लस टोचल्यानंतरचे अनुभव सांगितले आहेत. लशीचा डोस घेतल्यानंतर ‘हँगओव्हर’ सारखा अनुभव आला असल्याचे काहींनी म्हटले आहे

लशीचा परिणाम काय?

फायजर कंपनी ही करोना प्रतिबंधक लस जर्मन कंपनी बायोएनटेकसोबत संयुक्तरीत्या विकसित करत आहे. या लशीच्या चाचणीत सहभागी झालेल्या एक ४४ वर्षीय स्वयंसेवक ग्लेन डेशील्ड्सने यांनी आपले अनुभव सांगितले. लस टोचल्यानंतर हँगओव्हर झाला असल्याचे भासू लागले. मात्र, ही स्थिती फार वेळ राहिली नाही. तर, आणखी एक ४५ वर्षी य स्वयंसेविकाने सांगितले की, लस घेतल्यानंतर तापासारखे साइड इफेक्ट जाणवले. लशीचा दुसरा डोस घेतल्यानंतर अधिक ताप पूर्वीपेक्षा थोडा अधिक आला. त्याशिवाय डोकेदुखी, ताप, मांसपेशी दुखणे आदी लक्षणेही आढळून आली. या लस चाचणीत सहा देशातील ४३ हजार ५०० हून अधिकजणांनी तिसऱ्या टप्प्यातील चाचणीत सहभाग नोंदवला.

वाचा:

वाचा:
अशी झाली लस चाचणी

ही लस चाचणी डबल-ब्लाइंड होती. या लस चाचणीत सहभागी झालेल्या स्वयंसेवकांना लस दिली की नाही, याची कोणतीही माहिती देण्यात आली नव्हती. चाचणीत सहभागी झालेल्यांपैकी निम्म्याच लोकांना लस देण्यात आली होती. प्रत्येक लस चाचणीत अशीच पद्धत वापरली जाते.

वाचा:

या चाचणीत सहभागी झालेल्या स्वयंसेवकांनी सांगितले की, काही प्रमाणात साइड इफेक्टस जाणवले असले तरी करोनाला अटकाव घालण्याच्या दृष्टीने एक पाउल पुढे टाकण्यात आले आहे. या लस चाचणीत सहभागी होणे, आमच्यासाठी गौरवास्पद बाब असल्याची भावना स्वयंसेवकांनी व्यक्त केली.