टीम इंडिया ऑस्ट्रेलियात; भारतीय खेळाडूंच्या करोना चाचणीचा रिपोर्ट आला

सिडनी: ऑस्ट्रेलिया दौऱ्यावर पोहोचलेल्या भारतीय संघातील खेळाडू आणि सपोर्ट स्टाफचा करोना व्हायरसचा रिपोर्ट आला आहे. भारतीय संघ प्रत्येकी ३ टी-२० आणि वनडे मालिका आणि ४ सामन्यांची कसोटी मालिका खेळणार आहे.

वाचा-

भारतीय सर्व संघातील खेळाडू आणि सपोर्ट स्टाफचा करोना रिपोर्ट नेगेटिव्ह आला आहे. हा रिपोर्ट आल्यानंतर सर्व खेळाडूंनी मालिकेसाठीचा सराव सुरू केला आहे. भारतीय संघातील अनेक खेळाडू नुकतेच युएईमध्ये झालेल्या आयपीएलच्या १३व्या हंगामात खेळले आहेत. तेथून थेट ते ऑस्ट्रेलियात दाखल झाले. हार्दिक पांड्या, पृथ्वी शॉ आणि मोहम्मद सिराज यासह अन्य खेळाडूंनी सराव सुरू केला.

वाचा-

बीसीसीआयने खेळाडूंच्या सरावाचे फोटो सोशल मीडियावर शेअर केले. कुलदीप यादव, उमेश यादव, रविद्र जडेजा, शार्दुल ठाकूर, टी नटराजन, दीपक चाहर आणि चेतेश्वर पुजारा यांनी देखील सराव केला.

वाचा-

सध्या भारतीय संघातील खेळाडू १४ दिवसांच्या क्वारंटाइनमध्ये आहेत. खेळाडू आणि सपोर्ट स्टाफचा पहिल्या करोना चाचणीचा रिपोर्ट नेगिटिव्ह आला आहे.

वाचा-

भारत आणि ऑस्ट्रेलिया मालिकेचे वेळापत्रक जाणून घ्या आणि हे सामने कुठे पाहाल….

वनडे मालिका

१) पहिली वनडे- २७ नोव्हेंबर, सिडनी
२) दुसरी वनडे- २९ नोव्हेंबर, सिडनी
३) तिसरी वनडे- २ डिसेंबर, मानकुआ ओव्हल

(हे सर्व सामने भारतीय वेळेनुसार सकाळी ९.१० वाजता सुरू होतील)
—

वाचा-

टी-२० मालिका

१) पहिली टी-२०: ४ डिसेंबर, मानकुआ ओव्हल
२) दुसरी टी-२०: ६ डिसेंबर, सिडनी
३) तिसरी टी-२०: ८ डिसेंबर, सिडनी

(हे सर्व सामने भारतीय वेळेनुसार दुपारी १.४० वाजता सुरू होतील)—वाचा-

सराव लढती

६ ते ८ डिसेंबर- सराव सामना, ड्रमोनी ओव्हल, सिडन
११-१३ डिसेंबर- सराव सामना (डे-नाइड), सिडनी

—

कसोटी मालिका

१) पहिली कसोटी- १७ ते २१ डिसेंबर, एडिलेड ओव्हल- डे/नाईट
२) दुसरी कसोटी- २६ ते ३० डिसेंबर, मेलबर्न
३) तिसरी कसोटी- ७ ते ११ जानेवारी २०२१, सिडनी
४) चौथी कसोटी- १५ ते १९ जानेवारी, २०२१, गाबा

( पहिली डे नाइट कसोटी भारतीय वेळेनुसार सकाळी ९.३० वाजता. सुरु होईल. तर अन्य तीन सामने पहाटे ५ वाजता सुरू होणार आहेत)
भारताच्या या दौऱ्यातील सर्व सामन्याचे लाइव्ह प्रक्षेपण सोनी सिक्स आणि डीडी स्पोट्स वर होणार आहे. या शिवाय Sony LIVवर लाइव्ह स्ट्रीमिंग होईल. कसोटी मालिका फक्त सोनी सिक्स आणि Sony LIV वर दिसेल. या शिवाय भारतीय संघ दोन सराव सामने खेळणार आहे. या सामन्याचे लाइव्ह प्रक्षेपण क्रिकेट ऑस्ट्रेलियाच्या अॅपवर केले जाणार आहे.

भारत आणि ऑस्ट्रेलिया यांच्या लढतीचे LIVE UPDATE आणि स्कोअरकार्ड महाराष्ट्र टाइम्सच्या वेबसाइटवर तुम्ही पाहू शकता.