पाटणा: रविवारी एनडीएच्या (NDA) आमदारांच्या बैठकीत पुन्हा एकदा मावळते मुख्यमंत्री () यांची नेतेपदी निवड करण्याची औपचारिकता पूर्ण केली जाईल. रविवारी राज्यपालांकडे समर्थक पक्षांच्या समर्थनाचा दावा करण्याबरोबरच राज्यपाल नीतीश कुमार यांना संभवत: सोमवारी शपथ घेण्यासाठी निमंत्रण देतील.

मात्र अनेक लोक आता प्रश्नही विचारू लागले आहेत. भारतीय जनता पक्ष सर्वात मोठा घटक पक्ष असतानाही मुख्यमंत्रिपद मात्र कमी जागा जिंकलेल्या नीतीश कुमार यांना देण्यात येत आहे. या मागे भाजपची काय मजबुरी आहे, असा सवाल लोक विचारू लागले आहेत. नीतीश कुमार यांच्याकडे आमदारांची संख्या ४३ इतकी असून भारतीय जनता पक्षाला ७४ जागा मिळालेल्या आहेत.

मात्र, हा प्रश्न अयोग्य असल्याचे भाजपचे म्हणणे आहे. याचे कारण म्हणजे संख्या कितीही असली तरी देखील नीतीश कुमार हेच मुख्यमंत्री होतील असे भाजपने ठरवले होते. निवडणूक निकाल आल्यानंतर जर आपल्या वचनापासून मागे सरला तर राज्यात महाआघाडीचे सरकार बनेल हे निश्चित होते. कारण आणि महाआघाडी यांच्यात जागांचे अंतर फक्त ६ होते. निकालानंतर आणखी एक गोष्ट स्पष्ट झाली. ती म्हणजे चिराग पासवान यांच्या खांद्याचा वापर करत, तसेच पक्षाचा वापर करत राज्यात सर्वात मोठा पक्ष बनण्याचा भाजपचा मनसुबा पूर्ण झाला नाही. नीतीश कुमार यांच्या उमेदवारांच्या पराजयात लोक जनशक्ती पक्षाच्या उमेदवारांना मिळालेल्या मतांनी निर्णायक भूमिका वठवली आहे. तरी देखील भाजप सर्वात मोठ पक्ष बनू शकलेला नाही हे विशेष.

चिराग पासवान यांच्या पाठीवर भाजपच्या प्रमुख नेत्यांचा हात होता ही बाब देखील लपून राहिलेली नाही. पंतप्रधान नरेंद्र मोदी किंवा इतर नेत्यानी कधीही चिराग पासवान यांचे नाव घेतलेले नाही. यामुळे मतदारांमध्ये संभ्रम निर्माण झाला.

या व्यतिरिक्त पडद्यामागे राहून भाजपने आयकर विभाग आणि ईडीच्या कारवाईत जनता दल युनायटेडच्या नेत्यांना लक्ष्य करण्यात आले. या वरून चिराग पासवान यांचे नीतीश कुमार यांच्या विरोधातील अभियान मजबूत करण्याचा भाजपचा प्रयत्न होता हे स्पष्ट होत आहे.

क्लिक करा आणि वाचा-

बिहार विधानसभा निवडणुकीत ८० ते ९० जागा जिंकण्याचा भाजपचा प्रयत्न होता. मात्र तो यशस्वी होऊ शकला नाही. इतकेच नाही, तर चिराग यांच्या माध्यमातू नीतीश कुमारांना तीस ते ३५ जागांवरच रोखून धरण्याचा भाजपचा प्रयत्न होता मात्र तो सफल झाला नाही, हे भाजपचे नेते देखील दबक्या आवाजात म्हणत आहेत. या योजनेनुसारच भाजपला आपला मुख्यमंत्री बनवायचा होता. मात्र योजना असफल झाल्याने नीतीश कुमार यांना मुख्यमंत्री बनवण्यावाचून भाजपकडे कोणताही पर्याय उरला नसल्याचे बोलले जात आहे.

क्लिक करा आणि वाचा- क्लिक करा आणि वाचा-

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here