करोनाच्या संकटामुळे मंदिर समितीने दिवसभरात दहा स्लॉट करीत प्रत्येक स्लॉट्मधे १०० भाविकांना दर्शन देण्याची व्यवस्था मंदिर समितीने केल्याचे सहअध्यक्ष गहिनीनाथ महाराज औसेकर यांनी सांगितले . पंढरपुरातील सारडा भवन येथील उड्डाण पुलावरून सॅनिटाईज करून भाविक दर्शनाच्या रांगेला लागणार असून ज्याच्याकडे ऑनलाईन पास व ओळखपत्र असेल अशाच भाविकाला दर्शनाला जात येणार आहे. यासाठी मंदिर समितीच्या www.vitthalrukminimandir.org या संकेतस्थळावर भाविकाला आपल्या दर्शनाचे ऑनलाईन बुकिंग करावे लागणार आहे.
वाचाः
येथून दर्शनाच्या रांगेत प्रत्येक तासाला १०० याप्रमाणे भाविकांना सोडण्यात येणार असून दोन भाविकांच्यामध्ये ६ फुटाच्या अंतराचे चौकोन करण्यात आलेले आहेत . शासनाने दिलेल्या सूचनेनुसार गरोदर महिला, १० वर्षाखालील बालके व ६५ वर्षांपुढील वृद्ध भाविकांना सध्या दर्शन मिळणार नाही. यासाठी ऑनलाईन पासेसची तपासणी करताना ओळखपत्र बंधनकारक करण्यात आलेले आहे.
वाचाः
उद्या पाडव्याच्या निमित्ताने भाविकांना ठाकरे सरकारने हि खास भेट दिली असून भाविकांच्या स्वागतासाठी विठ्ठल मंदिराला आकर्षक फुलांची सजावट करण्यात येत आहे .
वाचाः
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
