माजी आमदार देवाच्या चरणी झुकले अन् तिथेच प्राण गेले

बैतूलः मध्य प्रदेशातील बैतूल येथील काँग्रेस माजी आमदार आणि उद्योगपती यांचं गुरुवारी धनत्रयोदशीची पूजा करताना निधन झालं. मंदिरात ते नेहमीप्रमाणे पूजा करत होते आणि अचानक खाली कोसळले. ही संपूर्ण घटना सीसीटीव्हीमध्ये कैद झाली. सोशल मीडियावर हा व्हिडिओ व्हायरल झाला. यावर अनेकांनी पुण्यात्माला मुक्ती मिळाल्याची प्रतिक्रिया नोंदवली.

मंदिरात रोज पूजा करायचे

डागा हे जैन दादवाडी येथे असलेल्या मंदिरात पूजा करण्यासाठी गेले होते. आधी त्यांनी मंदिरात भगवान पार्श्वनाथांची पूजा केली. यानंतर दादा गुरुदेव मंदिराची परिक्रमा करून पूजा सुरू केली. देवा चरणी डोकं ठेवताच काही वेळात ते खाली पडले.

एका मुलीने डागा यांना मंदिरात खाली पडताना पाहिलं आणि याची माहिती तिने पुजाऱ्याला दिली. पुजारी घटनास्थळी आले आणि त्यांनी डागा यांना जवळच्या रुग्णालयात नेलं. तिथे डॉक्टरांनी त्यांना मृत घोषित केलं, असं मंदिर प्रशासनाने सांगितलं.

विनोद डागा हे बुधवारी रात्री भोपाळहून बैतूलला परतले होते. भोपाळमध्ये ते पोटनिवडणुकीच्या आढावा बैठकीसाठी उपस्थित होते. विनोद डागा यांना दादा गुरूंचे सानिध्य मिळाले. पुण्यआत्म्यास अशा प्रकारे मुक्ती मिळते, असं मंदिराचे पुजारी ओम प्रकाश त्रिपाठी म्हणाले.