नवी दिल्ली: नितीशकुमार ( ) यांनी सोमवारी सातव्यांदा मुख्यमंत्रीपदाची शपथ घेतल्यानंतर जेडीयूतून हकालपट्टी केलेल्या निवडणूक रणनीतिकार ( ) यांनीही निशाणा साधला आहे. मुख्यमंत्रीपदासाठी भाजपने त्यांना ‘नॉमिनेट’ केलं आहे आणि आणखी काही वर्षे तरी एका थकलेल्या आणि राजकीयदृष्ट्या महत्त्वहीन नेत्याच्या अकार्यक्षम सरकारला तोंड देण्यासाठी राज्याने तयार असलं पाहिजे, अशी बोचरी टीका प्रशांत किशोर यांनी केली.
एकेकाळी नितीशकुमार यांचे निकटवर्तीय असलेले प्रशांत किशोर यांना जेडीयूचे उपाध्यक्ष केले गेले होते. पण त्यांच्या स्वतंत्र आणि अनेकदा परस्पर पक्ष विरोधी विचारांमुळे नितीश आणि प्रशांत यांच्यातील संबंध कटू झाले. अखेर प्रशांत किशोर यांची जेडीयूतून हकालपट्टी केली गेली.
प्रशांत किशोर यांनी ट्विट केलंय. भाजपकडून नामनिर्देशित मुख्यमंत्री म्हणून शपथ घेतल्याबद्दल नितीशकुमार यांचं अभिनंदन. मुख्यमंत्री म्हणून थकलेल्या आणि राजकीयदृष्ट्या महत्वहीन नेत्यासोबत बिहारने आणखी काही वर्षे अकार्यक्षम कारभारासाठी तयार असलं पाहिजं, असं म्हणत नितीशकुमारांवर जळजळीत प्रतिक्रिया दिलीय. प्रशांत किशोर यांनी गेल्या चार महिन्यांत प्रथमच हे ट्विट केलं आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
