कराची बेकरीचे नाव बदला किंवा त्यातील कराची हा शब्द काढून टाका, असं नितीन नांदगावकर यांनी म्हटलं आहे. मुंबई आणि महाराष्ट्रात कराची नावाने कोणतेही व्यवसाय चालाणार नाहीत. महाराष्ट्रात राहायचं असेल, तर असं नाव चालणार नाही, असा इशारा नितीन नांदगावकर यांनी दिला होता. यावर, संजय राऊत यांनी ही शिवसेनेची अधिकृत भूमिका नसल्याचं स्पष्ट केलं आहे.
संजय राऊत यांनी ट्वीट करत पक्षाची भूमिका मांडली आहे. ‘ आणि कराची स्वीट्स ६० वर्षांपासून मुंबईसह देशात आहेत. त्यांचा पाकिस्तानशी संबध नाही. निर्वासित सिंधी पंजाबी बांधवांनी कष्टातून उभा केलेला हा व्यवसाय आहे. कराची बेकरीचे नाव बदला ही मागणी निरर्थक आहे. ही शिवसेनेची अधिकृत भूमिका नाही,’ असं संजय राऊत यांनी स्पष्ट केलं आहे.
दरम्यान, काँग्रेस नेते संजय निरुपम यांनीही शिवसेनेचे नितीन नांदगावकर यांचे कान टोचले आहेत. ‘भारतातील चायनीज हॉटेलांचा जसं चीनसोबत काही संबंध नाही तसाच, वांद्रे येथील कराची स्वीट्सचा पाकिस्तानशी कोणताही संबंध नाही. हे सत्य शिवसेनेचे मुर्ख कार्यकर्ता कधी समजणार? ७० वर्षांच्या दुकानाचं नाव बदलण्याची जी धमकी दिली आहे ते चुकीचं आहे. मुख्यमंत्र्यांनी या दुकानाला संरक्षण द्यावे,’ असं ट्वीट संजय निरपम यांनी केलं आहे.
पाहा व्हिडिओ :
कराची स्वीट्स दुकानाचे नाव बदलण्याची नितीन नांदगावकरांची मागणी
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
