बाविस्कर यांनी सेक्टर-१८ मधील आपल्या कार्यालयात रविवारी रात्री वाढदिवसानिमित्त पार्टीचे आयोजन केले होते. या पार्टीमध्ये बाविस्कर यांचे कार्यकर्ते, नातेवाईक व मित्रमंडळींनी मोठ्या प्रमाणात गर्दी केली होती. रात्री उशिरापर्यंत ही पार्टी सुरू असल्याने काही नागरिकांनी खारघर पोलिस ठाण्यात दूरध्वनीद्वारे तक्रारी केल्या. या तक्रारींनुसार खारघर पोलिसांनी घटनास्थळी जाऊन पाहणी केली असता बाविस्कर यांच्या कार्यालयाजवळ गर्दी असल्याचे आढळून आले.
करोनाच्या पार्श्वभूमीवर लागू करण्यात आलेल्या शासकीय नियमांचे उल्लंघन होत असल्याने खारघर पोलिसांनी रात्री उशिरा बाविस्कर यांच्याविरोधात शासन आदेशाचे उल्लंघन केल्याप्रकरणी गुन्हा दखल केला. खारघर पोलिस ठाण्याचे वरिष्ठ पोलिस निरीक्षक शत्रुघ्न माळी यांनी ही माहिती दिली. शुभेच्छुकांची गर्दी!बाविस्कर यांनी या आरोपांचे खंडन केले. नागरिक आपल्यावरील प्रेमापोटी शुभेच्छा देण्यासाठी आले होते. आपण कुठल्याही प्रकारे कायद्याचे उल्लंघन केलेले नाही. आपल्यावर गुन्हा दाखल झाला हे सोशल मीडियावरून समजले, असे बाविस्कर यांनी सांगितले.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
