फॅक्ट चेकः गडकरींनी महिलांचा अपमान केलाय?

भाजप नेते आणि केंद्रीय मंत्री यांचे काही फोटो सोशल मीडियावर व्हायरल होत आहेत. या फोटोत गडकरी काही महिलांना सन्मानित करताना दिसत आहेत. फोटोत दिसणाऱ्या महिला बिकीनीत आहेत. यावरून सोशल मीडियावरून टीका केली जात आहेत. भाजपने व गडकरी यांनी महिलांचा अपमान केल्याचा दावा करण्यात येत आहे.

फेसबुक पेज
ने नितीन गडकरी यांच्या फोटोचा कोलाज करून शेअर केले आहेत. तसेच लिहिलेय की, केंद्रीय मंत्री नितीन गडकरी यांच्याकडून महिलांचा सन्मान. ही पाहा संस्कारी पार्टीचे ज्येष्ठ नेते. तुम्हीही यांचे संस्कार पाहू शकता.

फोटोच्या वर टेक्स्ट लिहिलेय, भाजपचा हा कसला महिला सन्मान. महिलांच्या सन्मानासाठी त्यांना शाल, श्रीफळ देणे भारतीय संस्कार आहे. कपडे उतरवणे नाही. केंद्रीय मंत्री नितीन गडकरी यांचा नागपूरमध्ये संसद महोत्सव.

खरं काय आहे?

शेअर करण्यात येत असलेले फोटो नागपूरमधील खासदार क्रीडा महोत्सवाच्या उद्घाटनावेळची आहे. यात नितीन गडकरी सहभागी झाले होते. गडकरी या फोटोत ज्या महिलांना सन्मानीत करीत आहे. ते बॉडीबिल्डिंग चॅम्पियनशीपमधील स्पर्धक होती. या महिलांनी स्पर्धेतील नियमानुसार कपडे परिधान केले होते.

कशी केली पडताळणी ?

व्हायरल होत असलेला फोटोला रिव्हर्स इमेज सर्च केल्यानंतर आम्हाला ट्विटरवर #Gadkari हॅशटॅगची लिंक मिळाली. आम्हाला आणखी एक ट्विट मिळाले त्यात शेअर करण्यात आलेली ३ पैकी एक फोटो फेसबुकवर शेअर करण्यात आला होता.

ट्विटर हँडल
ने तीन फोटो ट्विट केले आहे. तसेच टेक्स्ट लिहिले, नागपूरमध्ये नितीन गडकरी यांनी खासदार महोत्सव युनिवर्सिटी ग्राउंडवर उत्साहात साजरा केला. लोकांनी भरपूर आनंद लुटला.

यावरून आम्ही ‘Khasdar Mahotsava 2020’
कीवर्ड्स सर्च केले. तर आम्हाला यूसीएन न्यूज कडून प्रसारित करण्यात आलेला संपूर्ण कार्यक्रमाचा लाइव्ह व्हिडिओ मिळाला. हा व्हिडिओ यूट्यूबवर Ram Kumar नावाच्या युजरने १२ जानेवारी २०२० रोजी अपलोड केला होता.

व्हिडिओत ५:४१:३० तासाला नितीन गडकरी महिला बॉडी बिल्डारांना सन्मानित करताना दिसत आहेत. या व्हिडिओचा बॅकग्राउंड आणि महिलांचे कपडे चुकीच्या दाव्याने शेअर करण्यात येत आहेत. स्वतः गडकरी यांनी १२ जानेवारी २०२० ला आपल्या ट्विटर हँडलवरून या महोत्वसाचा एक व्हिडिओ लिंक शेअर केली होती.

खासदार क्रीडा महोत्सवचे आयोजन दरवर्षी नागपूरमध्ये केले जाते. या महोत्सवात कबड्डी, खो-खो, फुटबॉल, कुस्ती, स्केटिंग, बॉडीबिल्डिंग, बुद्धीबळ, कॅरम, बॅटमिंटन, अॅथेलेटिक्स, व्हॉलिबॉल, बास्केटबॉल, क्रिकेट आणि सायकलिंगचा समावेश असतो. ही स्पर्धा दरवर्षी २० दिवस चालते. बॉडीबिल्डिंग स्पर्धा महिला व पुरूष दोघांसाठी असते.

निष्कर्ष
बॉडीबिल्डिंग स्पर्धेतील महिलांना सन्मानित करतानाच्या नितीन गडकरी यांच्या फोटोला चुकीच्या पद्धतीने सोशल मीडियावरून शेअर केले जात आहे.