सिंगापूरच्या ‘फिजिक्स ऑफ फ्लुइड्स’ या जर्नलमध्ये प्रकाशित झालेल्या या संशोधन अभ्यासात मास्कवर करण्यात आलेल्या एका संशोधनात एखाद्या बाधित व्यक्तीने इतरांना बाधित करण्याचे प्रमाण कमी होते का, याबाबतचे संशोधन करण्यात आले. या संशोधनानुसार, सार्वजनिक ठिकाणी जाताना, जवळपास ७० टक्के कार्यक्षम असणारे, सर्जिकल मास्क लोकांनी घातले असते तरी करोना संसर्गाचे थैमान कमी झाले असते. ‘नॅशनल युनिव्हर्सिटी ऑफ सिंगापूर’मधील संशोधक संजय कुमार हे देखील या संशोधनात सहभागी झाले होते. त्यांच्या मते, मास्कऐवजी एखाद्या स्वच्छ कपड्याने लोकांनी तोंड झाकले असते तरी कमी झाला असता. मास्कमुळे एखादी व्यक्ती बोलत असताना त्याच्या तोंडातले लाळकण हवेत फैलावत नाही.
वाचा:
दरम्यान, जगभरात पुन्हा एकदा करोना संसर्गाचे थैमान वाढत आहे. युरोपीयन देशांमध्ये करोनाची दुसरी लाट आली आहे. जागतिक आरोग्य संघटनेने जगाला आणि विशेषत: युरोपीयन देशांना करोनाची तिसरी लाट येण्याचा इशारा दिला आहे. युरोपीयन देशांनी करोनाला रोखण्यासाठी पुरेशा उपाययोजना न आखल्यामुळेच दुसरी लाट आली असल्याचा दावाही जागतिक आरोग्य संघटनेने केला आहे.
वाचा:
वाचा:
जागतिक आरोग्य संघटनेचे विशेष दूत डेविड नाबरो यांनी म्हटले की, अजूनही आपल्याकडे वेळ आहे. करोनाचा संसर्ग रोखण्यासाठी कठोर उपाययोजना न आखल्यास २०२१च्या सुरुवातीलाच करोनाची तिसरी लाट येऊ शकते. स्विर्त्झलंडमधील वृत्तपत्रांना दिलेल्या मुलाखतीत त्यांनी म्हटले की, उन्हाळ्याच्या महिन्यात करोनाला रोखण्यासाठी आवश्यक असणाऱ्या पायाभूत बाबींवर युरोपमध्ये काम करण्यात आले नाही. त्यामुळेच आता करोनाची दुसरी लाट आल्याची परिस्थिती आहे. करोनाच्या संसर्गाला रोखण्यासाठी पायाभूत सुविधांची निर्मिती न केल्यास पुढील वर्षाच्या सुरुवातीला तिसऱ्या लाटेला आपल्याला सामोरे जावे लागणार असल्याचा इशारा त्यांनी दिला. नाबरो यांनी मास्कचा वापर, सोशल डिस्टेसिंगच्या नियमांचे सक्तीने पालन करण्याचा आग्रह त्यांनी केला.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
