चंदिगडः केंद्रीय कृषी कायद्यांविरूद्ध ( ) शेतकरी निर्णायक ( farmers protest) लढाई लढण्याच्या मनःस्थितीत आहेत. अंबला येथील शेतकऱ्यांनी बुधवारी पोलिसांना ठेंगा दाखवत मोठ्या संख्येने दिल्लीच्या दिशेनं कूच केलं. पण यावेळी पोलिसांनी पाण्याचे फवारे मारून त्यांना रोखण्याचा प्रयत्न केला. पण पोलिसांना त्यात यश आलं नाही. शेतकरी दिल्लीच्या दिशेने निघाले आहेत.

दिल्लीला निघालेल्या शेतकऱ्यांमध्ये काही समाजकंटक घुसल्याचं पोलिसांचं म्हणणे आहे. त्यांनी पोलिसांच्या अंगावर ट्रॅक्टर चढवण्याचा प्रयत्न केला आणि पाण्याचा फवारा मारणाऱ्या गाडीचे नुकसानही केलं. शेतकऱ्यांनी दगडफेकही केली. यामुळे त्यात काही पोलिस जखमी झाले, अशी माहिती पोलिसांनी दिली.

केंद्र सरकारवर दबाव आणण्यासाठी पंजाबमधील शेतकरी संघटनांनी २६ नोव्हेंबरला दिल्ली कूचची घोषणा केली आहे. या आंदोलनाला हरयाणातील काही शेतकरी संघटनांनीही पाठिंबा दिला आहे. शेतकऱ्या ‘दिल्ली चलो’ आंदोलनाच्या पार्श्वभूमीवर हरयाणा पोलिसांनी पंजाबला लागून असलेल्या सर्व सीमांवर कडक बंदोबस्त ठेवला आहे. तसंच सर्व सीमा सील करण्याचीही तयारी केली आहे.

शेतकरी २५-२६ नोव्हेंबरच्या मध्यरात्रीतून दिल्लीला जाऊ शकतात आणि हरयाणामार्गे दिल्लीला जाण्याचा प्रयत्न करू शकतात, असं सांगण्यात येतंय. यामुळे पंजाबहून येणारे शेतकरी राज्याच्या सीमेवर जमल्यास वाहतूक वळवण्याची योजनाही सरकारने तयार केली आहे.

पंजाबमधील भारतीय शेतकरी संघटनेचे अध्यक्ष जोगेंद्रसिंग उगरहा यांनी पंजाबमधील शेतकरी हरयाणातून दिल्लीच्या दिशेने जातील, असं उगहरा यांनी मंगळवारी सांगितलं होतं. ज्या ठिकाणी सरकार किंवा पोलिसांकडून शेतकऱ्यांना रोखलं जाईल जेथेच धरणे आंदोलन सुरू केलं जाईल. यासाठी जनरेटर, गॅस सिलिंडर, चादरी आणि खाण्याची संपूर्ण व्यवस्था सोबत घेऊन जाणार आहोत, असं उगरहा यांनी सांगितलं होतं.

अनेक शेतकरी नेते नजरकैदेत

दरम्यान, या आंदोलनाला पाठिंबा देणाऱ्या हरयाणातील शेतकर्‍यांवर सरकार नजर ठेवून आहे. खबरदारी म्हणून हरयाणा पोलिसांनी सोमवारी रात्री उशिरापासून राज्यातील विविध ठिकाणच्या शेतकरी संघटनांच्या अनेक नेत्यांना ताब्यात घेतलं आहे. अनेक शेतकरी नेत्यांना नजरकैदेत ठेवले आहे. तरीही हरयाणाच्या काही शेतकरी संघटना २६-२७ नोव्हेंबरला दिल्लीत जाऊन आंदोलन यशस्वी करतील, असा दावा करत आहेत.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here