पंढरपूरः मंगळवेढा विधानसभा मतदारसंघाचे आमदार यांची प्रकृती चिंताजनक असून त्यांच्यावर पुण्यातील रूबी हॉल रुग्णालयात उपचार सुरु आहेत. राष्ट्रवादीचे अध्यक्ष यांनी ही रुग्णालयात जाऊन भालके यांची भेट घेतली असून त्यांच्या प्रकृतीची विचारपूस केली आहे. दरम्यान, रुग्णालयाकडून जारी करण्यात आलेल्या मेडीकल बुलेटीननुसार त्यांची प्रकृती गंभीर असल्याचं सांगण्यात येत आहे.

आमदार भारत भालके यांना ३० ऑक्टोबर रोजी करोनाची लागण झाली होती. त्यानंतर भारत भालके हे कोरोनामुक्तदेखील झाले होती. मात्र, त्यांना पुन्हा एकदा अस्वस्थ जाणवू लागल्यानं त्यांना उपचारासाठी पुणे येथे दाखल करण्यात आले होते. तिथं गेल्यावर त्यांना पोस्ट कोव्हिड झाला असल्याच निदान डॉक्टरांनी केलं आहे. भालके याना मधुमेह व रक्तदाबाचा त्रास असल्यानं त्यांच्या प्रकृतीविषयी चिंता व्यक्त केली जात आहेत.

भारत भालके हे थेट जनमानसात रमणारे आणि एकदम बेधडक आमदार म्हणून त्यांची ओळख आहे. कार्यकर्त्यांपासून ते थेट मतदारही त्यांना फोनवर संपर्क करून बोलू शकत असल्याने ते याच लोकप्रियतेच्या जोरावर सलग तिसऱ्यांदा विधानसभेत पोहोचले.

भालके यांच्या कारकिर्दीची सुरुवात औदुंबर पाटील यांच्या काळात झाली. त्यांनी भालके यांचा बेधडकपणा पाहून या पैलवान गड्याला विठ्ठल सहकारी साखर कारखान्याचे संचालक केले. यानंतर अनेक राजकीय उलथापालथ घडत भालके स्वकर्तृत्वावर कारखान्याचे उपाध्यक्ष आणि नंतर अध्यक्ष बनले. याच काळात २००४ मध्ये त्यांनी पहिल्यांदा शिवसेनेकडून विधानसभेची निवडणूक लढवली मात्र यात त्यांना पराभव स्वीकारावा लागला. यानंतर मतदारसंघाची पुनर्रचना झाली आणि पंढरपूर मंगळवेढा हा नवीन मतदारसंघ तयार झाला. याच मतदारसंघातून भालके यांनी २००९ मध्ये निवडणूक लढवीत माजी उपमुख्यमंत्री विजयसिंह मोहिते पाटील यांचा दणदणीत पराभव केला आणि त्यांना जायंट किलर हे नाव पडले.

यानंतर २०१४ साली पंढरपूरमध्ये प्रशांत परिचारक यांचा तिरंगी लढतीत पराभव करीत काँग्रेस पक्षाकडून विजय मिळवला. यावेळी त्यांनी काँग्रेसचा हात सोडून राष्ट्रवादीचे घड्याळ हाती बांधले आणि जेष्ठ आमदार कै सुधाकरपंत परिचारक याना धोबी पछाड देत विजयाची हॅट्रिक केली. भालकेंचे वैशिष्ट्य होते त्यांचे गावरान वकृत्व आणि याच जोरावर कोणतेही मोठे नेते नसताना भालके यांनी स्वतःच्या जोरावर तिन्हीवेळा आमदारकी मिळविली. यावेळी त्यांना मंत्रिपद मिळेल अशी त्यांच्या कार्यकर्त्यांची अपेक्षा होती मात्र तीन पक्षांच्या सरकारमध्ये त्यांना लाल दिवा मिळाला नव्हता. अतिशय जिंदादिल, बेधडक आमदार म्हणून परिचित असलेले भारतनाना सध्या मृत्यूशी झुंज देत असून ते या लढाईतही विजयी होऊन पुन्हा परत येतील अशी कार्यकर्त्यांचा विश्वास आहे

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here