ईडीची आणखी एक मोठी कारवाई; अविनाश भोसले यांची १० तास चौकशी

मुंबई: प्रकरणात पुण्यातील प्रसिद्ध बांधकाम व्यावसाईक यांची ईडीकडून चौकशी सुरू करण्यात आली आहे. मुंबईतील कार्यालयात भोसले यांची आज सुमारे १० तास चौकशी करण्यात आल्याचे वृत्त आहे. सकाळी १० वाजता भोसले ईडी कार्यालयात पोहचले होते. त्यानंतर रात्री ८ च्या सुमारास ते तिथून बाहेर पडले. त्यांनी माध्यमांकडे कोणतीही प्रतिक्रिया दिली नाही तसेच ईडीनेही याबाबत अद्याप अधिकृतरित्या काहीही सांगितलेले नाही.

मिळालेल्या माहितीनुसार, ईडीने पुण्यात अविनाश भोसले यांच्या काही ठिकाणांवर छापे मारले होते. त्यानंतर ईडीने भोसले यांना चौकशीसाठी बोलावले होते आणि त्यानुसारच भोसले आज सकाळी मुंबईतील ईडी कार्यालयात पोहचल्याचे सांगण्यात येत आहे. विदेशी चलन प्रकरणात फेमा () कायद्यांतर्गत भोसले यांची चौकशी करण्यात आली व त्याच्याकडील कागदपत्रांचीही छाननी करण्यात आली, असे सूत्रांचे म्हणणे आहे.

दरम्यान, अविनाश भोसले हे राज्यमंत्री यांचे सासरे आहेत. यापूर्वीही अनेक कारणांनी त्यांचे नाव चर्चेत राहिले आहे. रिअल इस्टेट क्षेत्रात भोसले यांचा दबदबा राहिला आहे. याआधी आयकर विभागाकडूनही भोसले यांच्या ठिकाणांवर छापे टाकण्यात आले होते. आता बांधकाम क्षेत्राशी संबंधित शिवसेना आमदार यांच्यावर झालेली कारवाई ताजी असतानाच ईडीने भोसले यांच्यावरही कारवाईचे पाऊल उचलल्याने मोठी खळबळ उडाली आहे.