अतुल हा विकासचा मामा होता. गेल्या अनेक वर्षांपासून ते एकत्र राहायचे. व्यवसायाने दोघेही मजूर. अतुल सहारे यांना दारूचे व्यसन होते. दारू पिल्यानंतर अतुल नेहमी घरच्यांना शिवीगाळ करीत असे. विकास हा गतिमंद व तापट स्वभावाचा असल्याचे कळते. त्यामुळे शिवीगाळ केल्यावर त्याला मामाचा राग यायचा. गुरुवारी रात्री अतुल नेहमीप्रमाणे दारू पिऊन घरी आले. विकासला शिवीगाळ करू लागले.
विकासने त्यांना शिवीगाळ करण्यास मनाई केली. यावरून त्यांच्यात वाद झाला. या वादातून विकासने अतुल यांना जमिनीवर पाडून हाताबुक्क्यांनी मारहाण केली. तोंड, पोट व छातीवर जबर मार लागल्याने अतुल यांचा जागीच मृत्यू झाला. घटनेची माहिती मिळताच पाचपावली पोलिस घटनास्थळी दाखल झालेत. पोलिसांनी खुनाचा गुन्हा दाखल करून आरोपीला अटक केली.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
