काठमांडू येथे आगमन झाल्यानंतर चिनी संरक्षण मंत्र्यांना गार्ड ऑफ ऑनर देण्यात आला. यावेळी नेपाळचे गृहमंत्री राम बहाद्दूर थापा उपस्थित होते. नेपाळकडून चीनच्या संरक्षण मंत्र्यांचे करण्यात आलेल्या या स्वागताची चर्चा सुरू आहे.
वाचा:
वाचा:
चीनचे संरक्षण मंत्री वेई हे नेपाळच्या राष्ट्रपती विद्यादेवी भंडारी आणि पंतप्रधान के. पी. शर्मा ओली यांचीही भेट घेणार आहेत. त्याशिवाय नेपाळी सैन्याचे प्रमुख जनरल पूर्णचंद्र थापा यांचीदेखील भेट घेणार आहेत. आज रात्रीच वेई बीजिंगला पुन्हा रवाना होणार आहेत.
वाचा:
भारताच्या तीन अधिकाऱ्यांनी केला होता नेपाळ दौरा
भारतीय गुप्तचर संस्था रॉचे प्रमुख सामंत कुमार गोयल यांनी काही दिवसांपूर्वीच काठमांडूमध्ये नेपाळच्या पंतप्रधानांसोबत चर्चा केली होती. त्यानंतर भारतीय लष्करप्रमुख जनरल मुकुंद नरवणेदेखील तीन दिवसांच्या नेपाळ दौऱ्यावर होते. तर, काही दिवसांपूर्वीच भारताचे परराष्ट्र सचिव हर्षवर्धन श्रृंगला यांनी नेपाळचा दौरा केला होता. मागील काही वर्षांपासून नेपाळच्या राजकारणात चीनचा हस्तक्षेप वाढला आहे. नेपाळने भारताविरोधात भूमिका घेणे, भारताच्या भूभागावर दावा करणे हे चीनच्या इशाऱ्यावरून करण्यात आल्याची चर्चा आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
