मुंबई: मायनगरी मुंबईतील टीव्ही इंडस्ट्रीत खळबळ उडवून देणारी घटना उघडकीस आली आहे. कास्टिंग डायरेक्टरने दोन वर्षांहून अधिक काळ लैंगिक शोषण केल्याचा आरोप टीव्ही अभिनेत्रीने केला आहे. या प्रकरणी वर्सोवा पोलीस ठाण्यात तिने तक्रार दिली आहे. पोलिसांनी आरोपीविरोधात गुन्हा दाखल करून तपास सुरू केला आहे.
लग्नाचे आमिष दाखवून कास्टिंग डायरेक्टरने वारंवार केल्याचा आरोप अभिनेत्रीने केला आहे. वर्सोवा पोलीस ठाण्यात दाखल केलेल्या तक्रारीच्या आधारे पोलिसांनी आरोपीविरोधात गुन्हा दाखल केला आहे. पोलिसांनी दिलेल्या माहितीनुसार, संबंधित कास्टिंग डायरेक्टरने लग्नाचे आमिष दाखवून दोन वर्षांहून अधिक काळ वारंवार बलात्कार केला असा आरोप पीडितेने केला आहे. २६ नोव्हेंबर रोजी महिलेने तक्रार नोंदवली होती. अद्याप आरोपीला अटक करण्यात आली नाही. या प्रकरणाचा तपास सुरू आहे, अशी माहितीही पोलिसांनी दिली.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
