कुर्ला स्थानकातून लोकमान्य टिळक टर्मिनसकडे जाणाऱ्या महिलेवर सोमवारी रात्री चार तरुणांनी सामूहिक केल्याची धक्कादायक घटना घडली असून, अत्याचार केल्यानंतर या नराधमांनी महिलेकडील पैसेही लुटल्याचे आणि गळ्यातील मंगळसूत्रही हिसकाविण्याचा प्रयत्न केल्याचे उघड झाले आहे.
हे चौघे महिलेवर बलात्कार करत असताना अन्य एका महिलेने हा प्रकार पहिला आणि पोलिसांच्या नियंत्रण कक्षाला माहिती दिली. त्यानंतर नेहरूनगर पोलिस तत्काळ घटनास्थळी पोहोचले. स्थनिक लोकांच्या मदतीने दोघांना काही वेळेतच पकडण्यात आले आणि त्यांनी दिलेल्या माहितीवरून इतर दोघांना अटक करण्यात आली. या चौघांविरुद्ध नेहरूनगर पोलिस ठाण्यात भा.दं.वि.च्या ३७६ (बलात्कार), अनैसर्गिक संभोग (३७७), जबरी चोरी (३९४) या कलमांतर्गत गुन्हा दाखल करण्यात आला आहे. तिवारी आणि बारसकर हे दोघे टिळक टर्मिनसच्या आवारातच खाद्यपदार्थ विकतात. वाघ टॅक्सीचालक असून, भोगले हा डिलिव्हरी बॉय असल्याची माहिती चौकशीतून समोर आली आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
