अहंमपणाने पक्षाचे वाटोळे होते!; खडसेंचा फडणवीसांना टोला

जळगाव: ‘अहंमपणा ज्याठिकाणी येतो त्याठिकाणी पक्षाचे वाटोळे होते’, असा सणसणीत टोला हाणत काँग्रेसचे नेते यांनी आज पुन्हा एखदा विरोधी पक्षनेते यांना लक्ष्य केले. खडसे यांनी फडणवीस यांचा नामोल्लेख मात्र टाळला. ( leader targets )

खडसे यांनी अप्रत्यक्षपणे भाजपवर निशाणा साधत राष्ट्रवादीच्या कार्यकर्त्यांना महत्त्वाचा सल्ला दिला. ‘नेतेमंडळी जास्त आणि कार्यकर्ते कमी अशी परिस्थिती निर्माण झाली की पक्षवाढीला मर्यादा येतात. संघटितपणे काम केल्याशिवाय पक्ष वाढत नाही, मग नाथाभाऊ पण काहीही करू शकणार नाही. अनावधानाने चूक झाली तर दुर्लक्ष करा. झोकून देऊन काम करा. पक्ष निश्चित वाढेल. पैसा, वादविवाद गौण आहेत. कार्यकर्ते उभे करा, आपोआप पक्ष संघटन बळकट होईल. या माध्यमातून आपल्याला पक्ष वाढवायचा आहे. सरकार आपले आहे, सरकारची कामे लोकांपर्यंत पोहचवा, या पद्धतीने आपल्याला पुढे काम करायचे आहे’, असा सल्ला खडसेंनी कार्यकर्त्यांना दिला.

बीएचआर प्रकरणी कारवाई ठेवीदारांसाठीच

बीएचआर पतसंस्थेचे गैरव्यवहार प्रकरण तत्कालीन सरकारने दडपले होते. आता आधीच्या सरकारच्या सूचनेनुसारच कारवाई होत आहे. त्यात नव्याने काहीही झालेले नाही. बीएचआर हे प्रकरण गोरगरिबांशी निगडित आहे. यात गोरगरिबांना न्याय मिळाला तर ते राष्ट्रवादी काँग्रेसची साथ आयुष्यभर सोडणार नाहीत. म्हणून हे गृहीत धरून काम करायचे आहे. मात्र, आकस बुद्धीने काम करू नका, असेही खडसेंनी सांगितले.

वाचा:

वातावरण निर्मितीतूनच पक्षविस्तार

यांचा वाढदिवस येत आहे, हा वाढदिवस इतक्या उत्साहात साजरा करा की विरोधक पाहत राहिले पाहिजे. वातावरणनिर्मितीतून पक्ष विस्तार होत असतो. ज्या पक्षाच्या कार्यकर्त्यांमध्ये उत्साह आहे, तो पक्ष पुढे जातो. असे कार्यक्रम पक्ष वाढीसाठी निमित्त असतात. कोणत्याही प्रकारची गोष्ट असेल तर तिचा फायदा उचला. सरकारच्या चांगल्या कामांची माहिती लोकांपर्यंत पोहचवा. त्याने खूप फरक पडतो. याच पद्धतीने काम करूया. मला रुळायला फार वेळ लागत नाही. मला पद वगैरेची अपेक्षा नाही. माझा छळ झाला आहे, हेच फक्त माझ्या लक्षात आहे. तळागाळातील कार्यकर्ते आपल्याकडे कमी आहेत, त्यांना आपल्या पक्षात आणा. कार्यकर्ते, नेता, कार्यकर्ता व नेतृत्व यांच्यातील समन्वयच पक्ष वाढवू शकतो. त्यामुळे संघटित राहून काम करण्याचे आवाहन देखील खडसे यांनी केले.

बैठकीस माजीमंत्री , माजी आमदार दिलीप वाघ, मनीष जैन, दिलीप सोनवणे, अरुण पाटील, जिल्हाध्यक्ष अॅड. रवींद्र पाटील, महानगराध्यक्ष अभिषेक पाटील, अल्पसंख्याक सेलचे प्रदेशाध्यक्ष गफ्फार मलिक, खडसेंच्या कन्या तथा जळगाव जिल्हा मध्यवर्ती सहकारी बँकेच्या अध्यक्षा अॅड. रोहिणी खडसे, जिल्हा परिषदेचे माजी सदस्य संजय गरुड, महिला जिल्हाध्यक्षा कल्पना पाटील, युवक काँग्रेसचे जिल्हाध्यक्ष रवींद्र पाटील, युवती काँग्रेसच्या जिल्हाध्यक्षा कल्पिता पाटील आदींसह कार्यकर्ते मोठ्या संख्येने उपस्थित होते.

वाचा: