'बीएचआर घोटाळ्यात गिरीश महाजन लाभार्थी; ढिगभर पुरावे पोलिसांना दिले'

जळगाव: राज्यातील बहुचर्चित गैरव्यवहारात एक धक्कादायक माहिती समोर आली आहे. बीएचआर पतसंस्थेच्या गैरव्यवहार प्रकरणी पुण्याच्या आर्थिक गुन्हे शाखेने जामनेर नगरपरिषदेचे माजी नगराध्यक्ष यांना चौकशीसाठी ताब्यात घेतले होते. चौकशीनंतर जामनेरात दाखल होताच पारस ललवाणी यांनी पत्रकार परिषद घेऊन गंभीर खुलासे केले आहेत. यावेळी त्यांनी भाजपचे माजी मंत्री आमदार यांच्यावर थेट आरोप केले आहेत. त्यामुळे महाजन यांच्या अडचणी वाढण्याची शक्यता वर्तवण्यात येत आहे. ( Latest News Updates )

वाचा:

गिरीश महाजन यांनी बीएचआर पतसंस्थेच्या गैरव्यवहारात थेट लाभार्थी दिसू नये म्हणून कार्यकर्त्यांच्या नावावर मालमत्ता घेतल्या. त्यानंतर त्या स्वत:सह पत्नी साधना महाजन यांच्या नावे करून घेतल्या. याबाबत आपल्याकडे ढिगभर पुरावे असून ते पुणे आर्थिक गुन्हे शाखेला दिल्याची माहिती पारस ललवाणी यांनी पत्रकार परिषदेत बोलताना दिली. यासंदर्भात पुरावे हवे असल्यास काही गट नंबर घेऊन जनतेने ऑनलाइन उतारे तपासून पहावे, त्यात सत्य बाहेर येईल, असे आवाहनही ललवाणी यांनी केले.

वाचा:

कंडारेंच्या नियुक्तीमागे महाजनच

बीएचआर पतसंस्था डबघाईस येऊन अवसायनात गेली. त्यावेळी तत्कालीन मंत्री गिरीश महाजन यांनी अवसायक म्हणून आपल्या मर्जीतील यांची नियुक्ती करवून घेतली. पाच वर्ष त्यांची बदली होऊ दिली नाही. अवसायक कंडारे यांच्या माध्यमातून लिलावाचा देखावा करून यांच्यासह काही मोजक्या कार्यकर्त्यांच्या नावे कवडीमोल दराने मालमत्ता घेतल्या. त्यातही मालमत्तांच्या लिलावातून आलेली रक्कम ठेवीदारांना परत करणे अपेक्षित होते. मात्र रक्कम न भरता बहुतांशी ठेवीदारांच्या पावत्या कमिशनवर घेऊन त्यांचा भरणा केला. अशा प्रकारे ठेवीदारांची फसवणूक केल्याचा आरोप ललवाणी यांनी केला आहे.

वाचा:

जामनेरातील गट क्रमांक २२६ व २२७ ही १८ कोटींची मालमत्ता बीएचआरकडून भंसाली यांचे नावे केवळ तीन कोटी रुपयांत घेतली होती. ही मालमत्ता दोन महिन्यांपूर्वी गिरीश महाजन यांनी स्वतःसह पत्नी साधना महाजन यांचे नावे करून घेतली. याचबरोबर पुणे येथील ढोले रोडवरील १२५ कोटींची मालमत्ता झंवर यांचे नावे केवळ १४ कोटींत घेतली. ही ठेवीदारांची फसवणूक नाही का?, असा प्रश्नही ललवाणी यांनी उपस्थित केला. शेतकरी आत्महत्येप्रकरणी सरकारवर गुन्हे दाखल करण्याची मागणी करणाऱ्या आमदार महाजन यांच्यावरही ठेवीदारांच्या आत्महत्येप्रकरणी गुन्हा दाखल करावा, अशी मागणीही यावेळी ललवाणी यांनी केली.

ललवाणी यांनी पात्रता ओळखून आरोप करावेत: चंद्रकांत बाविस्कर
आमदार गिरीश महाजन हे बीएचआरचे कर्जदार किंवा ठेवीदार नाहीत. त्यांचा या संस्थेशी कुठलाही संबंध नाही. त्यामुळे ललवाणी यांनी स्वत:ची पात्रता ओळखून आरोप करावेत. उगाच बिनबुडाचे आरोप करू नयेत, असे प्रत्युत्तर भाजपचे जामनेर तालुकाध्यक्ष चंद्रकांत बाविस्कर यांनी पारस ललवाणी यांना दिले आहे. बीएचआरच्या मालमत्ता ज्यांनी घेतल्या आहेत, त्यांची यादीच प्रसिद्ध झालेली आहे. ललवाणी यांनी चार वर्षानंतर आता उगाच जावईशोध लावू नये, असा टोलाही बाविस्कर यांनी लगावला.

वाचा: