धक्कादायक खुलासा; चीनच्या भ्रष्ट अधिकाऱ्यांमुळे जगभरात फैलावला करोना!

बीजिंग: जगभरात थैमान घालणाऱ्या विषाणू संसर्गाच्या मुद्यावर चीन पुन्हा एकदा संशयाच्या भोवऱ्यात अडकला आहे. चीनच्या सेंटर फॉर डिजीस कंट्रोल अॅण्ड प्रीव्हेंशन (सीडीसी) च्या अधिकाऱ्यांमुळे जगभरात फैलावला असल्याचे समोर आले आहे. या संस्थेतील अधिकाऱ्यांचा भ्रष्टाचार आणि पक्षपातीमुळे मोठ्या प्रमाणावर गैरप्रकार झाला असल्याचे म्हटले जात आहे. त्यामुळेच करोनाला पहिल्याच टप्प्यात रोखण्याच्या प्रयत्नात अडथळे निर्माण झाले.

वृत्तसंस्था ‘एपी’ने याबाबत वृत्त दिले असून खळबळजनक खुलासा केला आहे. चीनच्या सीडीसी अधिकाऱ्यांनी चाचणी किटची डिझाइन आणि वितरणाचे अधिकार देताना शांघाईमधील तीन कंपन्यांवर मेहरनजर दाखवली. अधिकाऱ्यांचे कंपन्यांसोबत व्यक्तीगत संबंध होते. या कंपन्यांबाबत अनेकांना काहीच माहिती नव्हती. कोणी या कंपन्यांची नावेदेखील ऐकली नव्हती. ४० हून अधिक शास्त्रज्ञ, सीडीसी कर्मचारी, आरोग्य तज्ज्ञ आणि उद्योग क्षेत्राचे जाणकारांसह अंतर्गत दस्ताऐवज, ई-मेल आदी विविध बाबी तपासणी केल्यानंतर ‘एपी’ने हे वृत्त दिले आहे.

वाचा:

सूत्रांनी दिलेल्या माहितीनुसार, शांघाई येथील जीनिओडिएक्स बायोटेक, हुईरुई बायोटेक्नोलॉजी आणि बायोजर्म मेडिकल टेक्नॉलॉजी यांनी सीडीसीला पैसे दिले होते. जवळपास १० लाख आरएमबी (एक लाख ४६ हजार ६०० डॉलर) इतकी मोठी रक्कम दिली असल्याची चर्चा आहे. मात्र, एवढी मोठी रक्कम कोणत्या खास व्यक्तीकडे गेली का, याची माहिती उपलब्ध होऊ शकली नाही.

वाचा:

सीडीसी आणि राष्ट्रीय आरोग्य आयोगाने अन्य शास्त्रज्ञांना आणि संस्था, संघटनांना आपल्या चाचणी किट्सद्वारे विषाणूची चाचणी करण्यास अटकाव केला. सीडीसी आणि आरोग्य आयोगाच्या अधिकाऱ्यांनी करोनाबाधितांच्या पुष्टीसाठी निकष आणि इतर पर्याय अधिक जटील केले. त्या वेळेत करोना संसर्गाचा वेग कमी होऊ शकला असता, त्यावर नियंत्रण ठेवता आले असते. त्रुटी असलेल्या तपासणी प्रणालीमुळे शास्त्रज्ञांना आणि अधिकाऱ्यांना करोना किती वेगाने फैलावत आहे, याची माहिती मिळवण्यापासून अडथळे निर्माण केले असल्याचे ‘एपी’ने आपल्या वृत्तात म्हटले आहे.

सुरुवातीच्या टप्प्यात बाधित शोधण्यात अपयशी

चिनी अधिकाऱ्यांना पाच जानेवारी ते १७ जानेवारी दरम्यान एक नवीन करोनाबाधित शोधून काढण्यास अपयश आले. वुहानमध्ये शेकडोजणांना करोनाची बाधा झाली होती. संसर्गाबाबत माहिती देणे, गर्दी टाळणे आदी सूचनाही लोकांना देण्यात आल्या नव्हत्या. याबाबत अधिकारी उदासीन दिसले असल्याचा दावा करण्यात आला आहे.

वाचा:

चाचणी किट्सच्या अभावी करोनाचा फैलाव

करोना चाचणी किट्सची कमतरता असल्यामुळे अनेकांना करोनाची बाधा झाली. त्यामुळे प्रकृतीची काळजीही घेता आली नाही. करोनाच्या मुद्यावर केलेल्या चुका आणि चाचणीत झालेला उशीर यामुळे करोनाच्या विषाणूला जगभरात फैलावण्याचा मार्ग मोकळा झाला. करोना चाचणी करण्यासाठी फक्त तीनच कंपन्या उपलब्ध असल्यामुळे चाचणीची क्षमता मर्यादित होती, असे काउंसिल ऑन फॉरेन रिलेशनमधील जागतिक आरोग्याचे सीनियर फेलो यानझोंग हुआंक यांनी सांगितले.