हैदराबाद निवडणूक: काँग्रेस प्रदेशाध्यक्ष एन. उत्तमकुमार रेड्डींचा राजीनामा

हैदराबाद: हैदराबाद महापालिका निवडणुकीत (Hyderabad Election) १५० जागांवर पोस्टाद्वारे आलेल्या मतांनंतर आता मुख्य मतांची गणना सुरू झाली आहे. सत्तारूढ टीआरएस ६५ जागांवर आघाडीवर आहे. तर दुसऱ्या क्रमांकासाठी भारतीय जनता पक्ष (BJP) आणि एआयएमआयएम (AIMIM) या दोन पक्षांमध्ये अटीतटीची लढाई सुरू आहे. तर दुसरीकडे तेलंगण प्रदेश काँग्रेस समितीचे अध्यक्ष यांनी आपल्या पदाचा राजीनामा दिला आहे. मात्र, त्यांनी हा राजीनामा का दिला याचे कारण स्पष्ट केलेले नाही. ( from the post of president)

हैदराबाद महापालिका निवडणुकीत काँग्रेसला मोठे नुकसान झाले आहे. या निवडणुकीत काँग्रेसने केवळ २ जागांवरच विजय प्राप्त केला आहे. यानंतर एन. उत्तमकुमार रेड्डी यांनी प्रदेश कांग्रेस समितीच्या अध्यक्षपदाचा राजीनामा दिला. मी माझ्या पदाचा राजीनामा देत आहे आणि पक्षाध्यक्षांनी लवकरच तेलंगण प्रदेश कांग्रेस समितीच्या नव्या अध्यक्षाच्या नियुक्तीची प्रक्रिया सुरू करावी, असे रेड्डी यांनी म्हटले आहे.

क्लिक करा आणि वाचा ही बातमी-

दरम्यान, हैदराबाद महापालिका निवडणुकीची मतमोजणी सुरू आहे. १५० जागांपैकी आतापर्यंत १२० जागांच्या निकालांची घोषणा करण्यात आली आहे. टीआरएसने ४६ आणि एआयएमआयएमने ४१ जागांवर विजय संपादन केला आहे. तर भारतीय जनता पक्ष ३२ तर काँग्रेसने २ जागांवर विजय प्राप्त केला आहे. या निवडणुकीत भाजपला फायदा झाला आहे.

क्लिक करा आणि वाचा ही बातमी- क्लिक करा आणि वाचा ही बातमी-