वाचा:
नरभक्षक बिबट्याला कायमचा बंदोबस्त करण्यासाठी ऊस फडाशेजारीच वागर लावण्यात आला आहे. वन विभागाचे गन मॅन , शार्प शूटर व पोलीस अधिकारी उसाच्या फडात जाऊन तपस करीत होते. त्यामुळे बिबट्याने मोर्चा शेजारील केळीच्या बागेत वळवला. तिथे शार्प शूटरने फायर केले मात्र ते चुकवत बिबट्याने परत उसात धूम ठोकली. यानंतर वन अधिकाऱ्यांनी उसाच्या चारी बाजूने आग लावली. तेव्हाच बिबट्या एका बाजूने दुसऱ्या केळीच्या बागेत निसटल्याने हे मिशन फेल झाले. या सर्व नाट्यमय घडामोडी घडत असताना करमाळाचे आमदार हे आपले पिस्टल घेऊन ग्रामस्थांच्या सोबत थांबले होते. रात्रभरात नव्याने सर्च लाइटमध्ये पुन्हा वन विभाग ऑपरेशान राबवणार आहे, असे सांगण्यात आले.
वाचा:
एक डिसेंबरपासून बिबट्याने करमाळा तालुक्यातील लिंबेवाडी, अंजनडोह आणि सोमवारी शेटफळ चिखलठाण परिसरात आपली दहशत पसरवली आहे. आतापर्यंत तीन जणांचा या बिबट्याने बळी घेतला आहे. सोमवारी चिखलठाण परिसरातील बारकुंड यांच्या शेतात बिबट्या दिसला होता. त्याला टिपण्यासाठी शार्प शूटर यांच्यासह पाच गन मॅन ट्रॅप लावून बसले होते. बिबट्याला घेरण्यासाठी ऊस चारही बाजूने पेटवून देण्यात आला. तरीही बिबट्या सर्वांना गुंगारा देऊन निसटला. हा बिबट्या अंदाजे साडे चार वर्षे वयाचा असावा असा अंदाज डॉ. मंडलिक यांनी व्यक्त केला आहे. शेटफळ परिसरातील ग्रामस्थांनी सायंकाळी पाच ते सात आणि सकाळी दहा ते बारा पर्यंत काळजी घ्यावी असे सांगण्यात आले आहे. आतापर्यंतचे हल्ले याच वेळेत झाले आहेत. हा बिबट्या जनावरावर हल्ला करत नाही. तो फक्त माणसांवरच हल्ला करतो. कदाचित माणसांच्या वावराने तो बिथरला असावा असा अंदाजही मंडलिक यांनी व्यक्त केला. रात्रीच्या पेट्रोलिंग दरम्यान या बिबट्याला मारू असा विश्वासही त्यांनी व्यक्त केला.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
