जिल्ह्यात काल मंगळवारी रोजी ५७ रुग्ण बरे झाले आहेत. तर, नविन ३४ बाधित रुग्ण आढळून आले आहेत. सध्यस्थितीत एकूण ४२७ ॲक्टिव्ह रुग्ण आहेत. त्यापैकी लक्षणे असलेल्या रुग्णांची संख्या अवघी १४६ इतकी आहे यातील ३४ रुग्ण आयसीयुमध्ये असून ७३ रुग्णांना ऑक्सिजन वायु सुरु आहे. तर २८१ रुग्ण लक्षणे नसलेले आहेत. जिल्ह्यात आतापर्यंत १३०६ कोरोना बाधित रुग्णांच्या उपचारादरम्यान मृत्यू झाला आहे.
जिल्ह्यातील सध्याचा करोना रुग्णांचा मृत्यूदर २.३८ टक्क्यांपर्यंत खाली आला आहे. जिल्ह्यात आजपर्यंत ३ लाख ५२हजार ९३७ कोरोना संशयितांचे स्वॅब तपासण्यात आले असून पैकी ५४ हजार ८७२ नमुने पॉझिटिव्ह आले आहेत. तर सध्या अवघे ८७ अहवाल प्रलंबित आहे. सध्या जिल्ह्यात २२७ व्यक्ती गृह अलगीकरणामध्ये आहेत तर ६२ व्यक्ती संस्थात्मक विलगीकरणात आहेत.
जिल्ह्यात सध्या कोविड केअर सेंटरमध्ये ९६९७ बेड, डेडिकेटेड कोविड हेल्थ सेंटरमध्ये १३१० तर डेडिकेटेड कोविड हॉस्पिटलमध्ये १०१७ व इतर असे एकूण १२८५४ बेड असून त्यापैकी २०१९ ऑक्सिजनयुक्त तर ३२२ आयसीयु बेड आहेत. अशी माहिती जिल्हा शल्य चिकित्सक तथ कोविड नोडल अधिकारी डॉ. एन. एस. चव्हाण यांनी दिली आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
