चित्रपटाला शोभेल अशा या थरारनाट्यामुळे कोथरूडमध्ये घबराट पसरली होती. सकाळी सातच्या सुमारास महात्मा सोसायटीच्या गल्ली क्रमांक एकमध्ये गवा शिरल्याची माहिती स्थानिक रहिवाशांनी पोलिस व वनविभागाला दिली. त्यानंतर अग्निशामक दल, पोलिस, महापालिकेची यंत्रणा तसेच खासगी प्राणीमित्र संघटनांच्या कार्यकर्त्यांनी महात्मा सोसायटीत धाव घेतली. महात्मा सोसायटीतील दोन बंगल्यांदरम्यान असलेल्या मोकळ्या प्लॉटमध्ये गव्याने ठाण मांडले होते.

कोथरुड भागातील महात्मा सोसायटीमधील नागरिकांसाठी आजची सकाळ धावपळीची ठरली. या सोसायटीत आज सकाळच्या सुमारास रानगवा दिसून आल्यानं एकच खळबळ उडाली होती. मानवी वस्तीत रानगवा आढळल्यानं आश्चर्य व्यक्त केलं जातं होतं. सहा तासांच्या अथक प्रयत्नांनतर अखेर या गव्याला जेरबंद करण्यात यश आलं होतं. या सहा तासांमध्ये नेमकं काय घडलं याचा घेतलेला हा सविस्तर वृतांत

सहा तासांचे थरारनाट्य अखेर संपले; पुण्यात घुसलेल्या त्या रानगव्याचा मृत्यू

चित्रपटाला शोभेल अशा या थरारनाट्यामुळे कोथरूडमध्ये घबराट पसरली होती. सकाळी सातच्या सुमारास महात्मा सोसायटीच्या गल्ली क्रमांक एकमध्ये गवा शिरल्याची माहिती स्थानिक रहिवाशांनी पोलिस व वनविभागाला दिली. त्यानंतर अग्निशामक दल, पोलिस, महापालिकेची यंत्रणा तसेच खासगी प्राणीमित्र संघटनांच्या कार्यकर्त्यांनी महात्मा सोसायटीत धाव घेतली. महात्मा सोसायटीतील दोन बंगल्यांदरम्यान असलेल्या मोकळ्या प्लॉटमध्ये गव्याने ठाण मांडले होते.

प्रवेशद्वारांचंही नुकसान
प्रवेशद्वारांचंही नुकसान

गवा आढळलेल्या या परिसरातील गल्ल्यांमध्ये जाळ्या लावून व अडथळे उभे करुन गव्याला पकडण्याचा प्रयत्न करण्यात आला. मात्र, एका झाडाला धडक दिल्यानं गवा जखमी झाला. तरीही, गव्यावर नियंत्रण मिळवण्यास वन विभागाच्या कर्मचाऱ्यांना यश आलं नाही. दरम्यानच्या काळात महात्मा सोसायटीतील काही वाहनं व बंगल्यांच्या प्रवेशद्वारांचंही या गव्यानं नुकसान केलं. (फोटोः अमित रूके)

जाळ्या लावून पकडण्याचा प्रयत्न
जाळ्या लावून पकडण्याचा प्रयत्न

गवा आढळलेल्या या परिसरातील गल्ल्यांमध्ये जाळ्या लावून व अडथळे उभे करुन गव्याला पकडण्याचा प्रयत्न करण्यात आला. मात्र, एका झाडाला धडक दिल्यानं गवा जखमी झाला. तरीही, गव्यावर नियंत्रण मिळवण्यास वन विभागाच्या कर्मचाऱ्यांना यश आलं नाही. दरम्यानच्या काळात महात्मा सोसायटीतील काही वाहनं व बंगल्यांच्या प्रवेशद्वारांचंही या गव्यानं नुकसान केलं.

रस्त्यांवर मोठा थरार
रस्त्यांवर मोठा थरार

सव्वा आकराच्या सुमारास गव्यानं प्लॉटच्या कंपाउंडवरुन उडी मारत धूम ठोकली. यावेळी गव्याला दोनदा बेशुद्धीचे इंजेक्शन देण्याचा प्रयत्न केला गेला मात्र तो अयशस्वी ठरला. सोसायटीलगतच्या रस्त्यावरून गाड्यांना धडका देत हा गवा महात्मा सोसायटीच्या मागील बाजूस जिजाई गार्डनमध्ये घुसला. तिथूनही या गव्याने पूजा पार्क मार्गे पौड रस्त्यावर धाव घेतली. गव्यामागे अग्निशामक दलाची वाहने, पोलिस, वनखाते व प्राणीप्रेमी धावत असल्याने रस्त्यावर मोठा थरार अनुभवायला मिळाला.

बघ्यांची मोठी गर्दी
बघ्यांची मोठी गर्दी

वनविभागाचे कर्मचारी व महापालिकेचे कर्मचारी ही मोहिम राबवत असताना तिथे बघ्यांची मोठी गर्दी जमली होती. नागरिकांचा आरडोओरडा एकून गवा आणखीनच बिथरला होता. नागरिकांचा गोंधळ सुरु असतानाच त्याला आणखी एक बेशुद्धीचे इंजेक्शन देण्याचा प्रयत्न करण्यात आला मात्र तोही अयशस्वी ठरला.

गव्याला जेरबंद केलं
गव्याला जेरबंद केलं

शेवटी ऋतुगंध या बंगल्याचे कंपाउंड ओलांडता न आल्याने गवा तिथेच अडकला. त्यानंतर अंगावर जाळी टाकून दोर अडकवून त्याला जेरबंद करण्यात आले. तसेच बेशुद्धीचे इंजेक्शनही देण्यात आले. त्यानंतर सुमारे तीसहून अधिक कर्मचारी, स्वयंसेवकांनी या गव्याला उचलून महापालिकेच्या ट्रकमध्ये टाकले.

त्या गव्याचा अखेर मृत्यू
त्या गव्याचा अखेर मृत्यू

सहा तासाहून अधिक काळ सुरू असलेल्या थरारनाट्यानंतर अखेर महात्मा सोसायटी परिसरात घुसलेल्या गव्याला पकडण्यात यश आले. त्यानंतर या गव्याला भूगाव येथील रेस्क्यू सेंटरला नेण्यात आले. मात्र, काही वेळात त्याचा मृत्यू झाला. त्याच्या मृत्यूचे कारण अद्याप स्पष्ट झालेले नाही.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here