पंतप्रधान आवास योजना, प्रथम येणाऱ्यास प्रथम प्राधान्य, ‘म्हाडा’कडून बांधण्यात आलेले प्रकल्प आणि २० टक्के सर्वसमावेशक गृहनिर्माण योजनेंतर्गत या सदनिका स्वस्त दरात नागरिकांना उपलब्ध होणार आहेत.
प्रधानमंत्री आवास योजनेतून पुणे जिल्ह्यामध्ये म्हाळुंगे (चाकण) येथे ५१४, तळेगांव दाभाडे येथे २९६ सदनिका आहेत. सोलापूर जिल्ह्यामध्ये करमाळा येथे ७७, सांगलीत ७४ अशा ९६१ सदनिका आहेत.
‘म्हाडा’कडून बांधण्यात आलेल्या प्रकल्पांतर्गत पुण्यात मोरवाडी पिंपरी येथे ८७, पिंपरी वाघेरे येथे ९९२ अशा एक हजार ७९ सदनिका आहेत. या याजनेंतर्गत सांगलीत १२९ सदनिका आहेत.
‘प्रथम येणाऱ्यास प्रथम प्राधान्य’ या योजनेंतर्गत पुणे जिल्ह्यात महाळुंगे येथे १८८०, दिवे येथे १४ आणि सासवड येथे चार सदनिका आहेत; तसेच सोलापूर जिल्ह्यामध्ये ८२ सदनिका आहेत. अशा एकूण एक हजार ९८० सदनिका आहेत.
याशिवाय २० टक्के सर्वसमावेशक गृहनिर्माण योजनेंतर्गत पुणे महापालिकेच्या हद्दीत ४१०, पिंपरी चिंचवड महापालिकेच्या परिसरात १०२० सदनिका या नागरिकांसाठी उपलब्ध करून देण्यात आल्या आहेत. या योजनेंतर्गत कोल्हापूर महापालिकेच्या हद्दीमध्ये ६८ अशा एक हजार ४९८ सदनिका आहेत.
‘अर्ज नोंदणीचा शुभारंभ उपमुख्यमंत्री अजित पवार यांच्या हस्ते आज, गुरुवारी दुपारी अडीच मंत्रालय येथे होणार आहे. गृहनिर्माण मंत्री जितेंद्र आव्हाड यांच्या अध्यक्षतेखाली हा कार्यक्रम होणार आहे. या कार्यक्रमाला गृहनिर्माण राज्यमंत्री सतेज पाटील, गृहनिर्माण विभागाचे प्रधान सचिव एस. व्ही. आर श्रीनिवासन, म्हाडाचे उपाध्यक्ष अनिल डिग्गीकर उपस्थित राहणार आहेत’ असे ‘म्हाडा’चे मुख्य अधिकारी नितीन माने-पाटील यांनी सांगितले.
या ठिकाणी करा ऑनलाइन अर्ज
इच्छूकांना दहा डिसेंबर २०२० रोजी सायंकाळी पाच वाजल्यापासून ११ जानेवारी २०२१ रोजी रात्री बारा वाजेपर्यंत ऑनलाइन अर्ज करता येणार आहेत. संबंधितांनी https://lottery.mhada.gov.in या संकेतस्थळावर ऑनलाईन अर्ज भरणे आवश्यक आहे. जानेवारी महिन्यात ऑनलाइन पद्धतीने सोडत काढण्यात येणार असल्याचे ‘म्हाडा’चे मुख्य अधिकारी माने पाटील यांनी सांगितले.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
