'सीएए'विरोधी आंदोलनाची धग कायम; काळे झेंडे फडकावात विद्यार्थी रस्त्यावर

गुवाहाटी : नागरिकत्व सुधारणा कायद्याविरोधातलं () स्थगित झालेलं पुन्हा एकदा सुरू झाल्याचं चित्रं आहे. करोना संक्रमणाच्या पार्श्वभूमीवर हे आंदोलन स्थगित करण्याचा निर्णय आंदोलकांनी घेतला होता. पूर्वेत्तर राज्यांत नागरिकत्व सुधारणा कायद्याविरोधात काही विद्यार्थी संघटनांकडून पुन्हा या आंदोलनाला हवा देण्यात आलीय.

विद्यार्थी संघटनांनी (NESO) अनेक ठिकाणी या कायद्याविरोधात काळे झेंडे फडकावत आंदोलन केलं. यामध्ये नॉर्थ ईस्ट स्टुडंट्स ऑर्गनायझेशन (NESO), खासी स्टुडंट्स युनियन (KSU), ऑल आसाम स्टुडंट्स युनियन (AASU), नागा स्टुडंट्स फेडरेशन (NSF), मिझो झिरलाई पावल (MZP), ट्विप्रा स्टुडंट्स फेडरेशन, ऑल आसाम स्टुडन्ट्स युनियन (AASU), नागा स्टुडंट्स फेडरेशन (NSF), मिझो झिरला पॉल (MZP), इंटरफेस स्टुडन्ट्स फेडरेशन अशा अनेक विद्यार्थी संघटनांचा समावेश आहे.

ऑल मणिपूर स्टुडंट्स युनियन, गोल्ड स्टुडन्ट्स युनियन आणि ऑल अरुणाचल प्रदेश स्टुडन्ट्स युनियन या उत्तर-पूर्व भागातल्या आठ राज्यांचं प्रतिनिधित्व करणाऱ्या संघटनांनीच कायद्याविरोधी आंदोलनाचं नेतृत्व केलं होतं.

वाचा : वाचा :

या आंदोलनादरम्यान संघटनांनी कृषक मुक्ती संग्राम समिती (KMSS) चे नेते अखिल गोगोई यांच्या सुटकेची मागणीही केली. गेल्या वर्षी आंदोलनात सहभागी होणाऱ्या गोगोई यांना पोलिसांकडून अटक करण्यात आली होती.

शुक्रवारी राज्यभरात वेगवेगळ्या ठिकाणी कृषक मुक्ती संग्राम समिती, ऑल आसाम स्टुडंट युनियन (आसू), आसाम जातीयवादी युवा छात्र परिषद, लाचित सेना यांसहीत अनेक संघटनांनी रॅली काढली.

गेल्या वर्षी ज्या ठिकाणावरून सीएए कायद्याचा विरोध सुरू झाला त्याच शिवसागरमधून या आंदोलनाला पुन्हा सुरूवात करण्यात आलीय. सीएए कायदा मूळ रहिवाशांची ओळख, भाषा आणि सांस्कृतिक वारशाविरोधात असल्याचं आंदोलकांचं म्हणणं आहे. हा कायदा मागे घेण्याची मागणी केंद्राकडे केलीय.

वाचा : वाचा :