टीआरपी स्कॅम प्रकरणात रिपब्लिक टीव्हीशी संबंधित असलेली ही दुसरी अटक झाली आहे. सीईओ विकास खानचंदानी यांना आज अटक करण्यात आली आहे. मुंबई पोलिसांच्या विशेष पथकानं ही कारवाई केली आहे.
विकास खानचंदानी यांना राहत्या घरातून अटक करण्यात आली असून या प्रकरणात एकूण अटक आरोपींची संख्या १३ वर पोहोचली आहे. या प्रकरणात थेट सहभाग दिसून आल्यानं रिपब्लिक टीव्हीच्या अडचणीत वाढ झाली आहे, असं सांगितले जात आहे.
दखल घेण्यास सर्वोच्च न्यायालयाचा नकार
रिपब्लिक मीडिया नेटवर्कची मालकी असलेल्या एआरजी आउटलायर मीडिया प्रायव्हेट लिमिटेडने दाखल केलेल्या याचिकेची दखल घेण्यास सर्वोच्च न्यायालयाने सोमवारी नकार दिला. महाराष्ट्रात दाखल करण्यात आलेल्या गुन्ह्यांमध्ये कंपनी आणि कर्मचाऱ्यांना अटकेपासून संरक्षण देण्याची मागणी या याचिकेद्वारे करण्यात आली होती.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
