भाजप अध्यक्ष जे. पी. नड्डा यांना करोनाची लागण, झाले होम क्वारंटीन

नवी दिल्ली: भारतीय जनता पक्षाचे राष्ट्रीय अध्यक्ष यांना करोनाची लागण झाली आहे. नड्डा यांनी स्वत: ट्विट करत ही माहिती दिली आहे. गेल्या काही दिवसांपासून माझ्या संपर्कात आलेल्या सर्व लोकांनी आपली करोनाची चाचणी करून घ्यावी, असे आवाहनही त्यांनी केले आहे. माझी तब्येत ठीक असून होम आयसोलेशमध्ये मी सर्व निर्देशांचो पालन करत असल्याचेही ते म्हणाले.

आपल्याला करोनाची सुरुवातीची लक्षणे दिसू लागल्यानंतर आपण करोनाची चाचणी केली. त्यात रिपोर्ट पॉझिटीव्ह आल्याची माहिती जे. पी. नड्डा यांनी दिली.

भाजप अध्यक्ष जे. पी. नड्डा नुकतेच पश्चिम बंगालच्या दौऱ्यावर गेले होते. तेथे त्यांनी निवडणूक प्रचारसभेला संबोधित केले होते. यावेळी त्यांच्या ताफ्यावर हल्ला झाला होता. यापूर्वी भाजप नेते आणि केंद्रीय गृहमंत्री , अर्जुनराम मेघवाल आणि कैलाश चौधरी यांना देखील करोनाची लागण झालेली होती. मात्र, या सर्व नेत्यांनी या आजारावर मात केलेली आहे.

क्लिक करा आणि वाचा-

भाजपचे उत्तर प्रदेशातील नेते चेतन चौहान, कमलरानी वरुण आणि राजस्थानच्या भाजपच्या आमदार किरण माहेश्वरी यांचा करोनामुळे मृत्यू झाला आहे.

क्लिक करा आणि वाचा- क्लिक करा आणि वाचा-