अटकपूर्व जामीन अर्जावरील सुनावणीच्यावेळी आरोपीला कोर्टासमोर हजर ठेवावे ही तपास अधिकाऱ्यांची मागणी न्यायालयाने नामंजूर केली आहे. त्यामुळे बोठे याला कोर्टात उपस्थित राहण्याची गरज नाही. अटकपूर्व जामीन अर्जावर आता उद्या (१५ डिसेंबर) सुनावणी होणार आहे.
पोलीस आरोपी बोठे याचा कसून शोध घेत आहेत. रेखा जरे हत्या प्रकरणामध्ये आरोपी बोठे याच्या विरोधात पोलिसांकडे भक्कम पुरावे आहेत, अशी माहिती जिल्हा पोलीस अधीक्षक मनोज पाटील यांनी दिली. बोठे याच्याबद्दल माहिती देण्यास आम्ही नागरिकांना आवाहन केले होते. त्यानुसार बोठेबाबत आमच्याकडे काही जणांनी माहिती दिलेली आहे. त्याचाही तपास सुरू केला असल्याचे त्यांनी सांगितले.
रेखा जरे हत्या प्रकरणात मुख्य आरोपी बाळ ज बोठे याचे नाव समोर आले. तेव्हापासून तो पसार आहे. बोठे याचा शोध पोलिसांची पाच पथके घेत आहेत. दुसरीकडे त्याच्या विरोधातील पुरावे देखील गोळा केले जात आहेत. आतापर्यंत पोलिसांच्या हाती या हत्या प्रकरणातील महत्वाचे पुरावे आले आहेत. तांत्रिक तसेच कागदपत्रे व साक्षीदार, जबाब आदी इतर सर्व पुरावे पोलिसांनी जमा करण्यास सुरुवात केली आहे. आरोपी बोठे संदर्भामध्ये माहिती देण्याचे नागरिकांना आवाहन केले होते. त्याला देखील प्रतिसाद मिळत आहे. नागरिकांकडून मिळालेल्या माहितीनुसार दोन-तीन ठिकाणी पोलिसांनी तपास केला असून तेथून महत्वाची माहिती पोलिसांच्या हाती लागली आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
