कोल्हापूर: ‘विधानपरिषदेच्या पुणे पदवीधर व शिक्षक मतदारसंघाच्या निवडणुकीत विरोधात तीन पक्ष उतरल्याने भाजपचा पराभव झाला. राजकारणात हार-जीत होत राहणारच. फक्त निवडणुकीचे निमित्त पुढे करून ज्यांना पक्षामध्ये कोणतेही फारसे महत्त्वाचे स्थान नाही अशा लोकांनी प्रदेशाध्यक्ष यांचा राजीनामा मागणे म्हणजे हस्यास्पद आहे’, असा टोला पश्चिम महाराष्ट्र देवस्थान समितीचे अध्यक्ष यांनी लगावला आहे. ( Latest News Update )

वाचा:

महेश जाधव यांनी प्रसिद्धीस दिलेल्या पत्रकात म्हटले आहे की, गेल्या पाच वर्षांत महाराष्ट्रात अनेक निवडणुकांत भाजपला यश मिळाले. राज्यातील विविध पक्षांतील मातब्बर नेत्यांनी भाजपमध्ये प्रवेश केला. ग्रामपंचायत, जिल्हा परिषदेत विजय संपादन केला. एकूणच भाजपचा झेंडा गल्लीपासून दिल्लीपर्यंत नेण्यात चंद्रकांत पाटील यांचाही सिंहाचा वाटा आहे हे नाकारता येणार नाही. सतत कार्यरत राहून संपूर्ण महाराष्ट्रात भाजपचे संघटन वाढवण्यासाठी दादा सदैव प्रयत्नशील आहेत. भाजपच्या विरोधातील सर्व पक्षांना खिळखिळे करण्याचे काम त्यांनी केले आहे. ‘ज्या झाडाला फळे येतात त्याच झाडाला दगड मारले जातात’ या म्हणीप्रमाणे काहीही झाले तरी उठसूट चंद्रकांतदादांवर आरोप केले जातात यातून महाराष्ट्रात त्यांचे स्थान किती मोठे आहे हेच दिसून येते.

वाचा:

महाराष्ट्रातील भाजप पदाधिकारी, कार्यकर्ते, खासदार, आमदार, जिल्हाध्यक्ष इथपासून बूथ अध्यक्षांपर्यंत सर्वजण प्रदेशाध्यक्षांच्या पाठिशी ठामपणे उभे आहेत. दोन चार फुटकळांनी केलेल्या आरोपामुळे चंद्रकांत पाटील यांचे महत्त्व कमी होणार नाही, असेही जाधव यांनी पत्रकात म्हटले आहे.

भाजप जिल्हा सरचिटणीसांनी केली मागणी
विधानपरिषदेच्या पदवीधर व शिक्षक मतदार मतदारसंघातील भाजपच्या पराभवाची नैतिक जबाबदारी स्वीकारून प्रदेशाध्यक्ष चंद्रकांत पाटील व कोल्हापूरचे जिल्हाध्यक्ष समरजीत घाटगे यांनी आपल्या पदाचा राजीनामा द्यायला हवा, अशी मागणी भाजपचे जिल्हा सरचिटणीस व हातकणंगलेचे माजी तालुकाध्यक्ष पी. डी. पाटील यांनी मंगळवारी पत्रकार परिषदेत केली. या मागणीसोबतच भाजपमधील गृहकलह उफाळून आला असून विरोधी पक्षनेते यांनी तातडीने यावर प्रतिक्रिया देत संबंधितांना फटकारले आहे. राजीनामा मागणारे कार्यकर्ते कोण आहेत हे मला माहीत नाही, असे सांगताना फडणवीस यांनी चंद्रकांत पाटील यांच्या नेतृत्वावर विश्वास व्यक्त केला आहे. राज्यात चंद्रकांतदादांच्या नेतृत्वाखालीच विधानसभा निवडणुकीत भाजपचे १०५ आमदार निवडून आले आहेत. पालिका निवडणुकीतही भाजपला मोठे यश मिळाले आहे. म्हणूनच एखादी निवडणूक हरल्यावर अशी मागणी पक्षात कुणी करत असेल तर ते पक्ष शिस्तीत बसणारे नाही, असेही फडणवीसांनी सुनावले.

वाचा:

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here