करोना रुग्णसंख्येचा प्रादुर्भाव राज्यात वाढत असताना पुण्यात जम्बो उभारण्यात यावं. अशा सूचना उपमुख्यमंत्री अजित पवार यांनी केल्या होत्या अजित पवारांच्या सूचनेप्रमाणे अठराशे खाटांचे कोव्हिड सेंटर उभारण्यात आले होते. तर, मुख्यमंत्री उद्धव ठाकरे यांनी जम्बो रुग्णालयाचे उद्धाटन केले होते. मात्र, पुण्यातील हे जम्बो सेंटर विविध कारणांमुळं चर्चेत आले होते.
जम्बो रुग्णालयात काम करणाऱ्या कर्मचाऱ्यांना सप्टेंबर आणि ऑक्टोबर महिन्यात अर्धाच पगार देण्यात आला असून नोव्हेंबर महिन्याचा पगार थकवल्याचा दावा करत कर्मचाऱ्यांनी आंदोलनाचा पवित्रा हाती घेतला आहे.
शिवाजीनगर येथील जम्बो कोव्हिड रुग्णालयात कार्यरत परिचारिका, वॉर्डबॉय आणि रुग्णसेवकांनी बुधवारी रुग्णालयाच्या प्रवेशद्वारासमोरच्या रस्त्यावरच ठिय्या दिला. ‘पगार आमच्या हक्काचा’ अशी जोरदार घोषणाबाजी करत परिचरिकांनी पूर्ण पगार देण्याची मागणी केली आहे. आता रुग्णालय प्रशासन काय निर्णय घेणार याकडे लक्ष लागून राहिलं आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
