उपाध्यक्ष पदाबरोबर बीसीसीआयमधील दोन रीक्त पदे यावेळी भरण्यात येणार आहेत. यावेळी बीसीसीआयच्या काऊन्सिलरपदी ब्रिजेश पटेल आणि एम. खैरुल जमाल मुझुमदार यांची निवड करण्यात येणार आहे. शुक्ला यांनी बीसीसीआयच्या उपाध्यक्षपदासाठी अर्ज केला होता. तो अर्ज आज वैध ठरवण्यात आला. त्याचबरोबर या पदासाठी अजून कोणताही अर्ज न आल्यामुळे बिनविरोधपणे शुक्ला यांच्याकडे बीसीसीआयच्या उपाध्यक्षपदाची जबाबदारी सोपवण्यात येणार आहे.
माहिम वर्मा यांनी बीसीसीआयच्या उपाध्यक्षपदाचा राजीनामा दिला होता. त्यानंतर ही जागा रिकामी होती. त्यामुळे या पदासाठी बीसीसीआयने अर्ज मागवले होते. त्यावेळी बीसीसीआयकडे उपाध्यक्षपदासाठी राजीव शुक्ला यांचा एकमेव अर्ज आला होता. त्यामुळे त्यांचीच या पदासाठी बिनविरोध निवड करण्यात आली आहे. पण बीसीसीआयच्या वार्षिक सर्वसाभारण सभेत यावर औपचारीक शिक्कामोर्तब करण्यात येणार आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
