याबाबत रोहन बोथरा (वय २५, रा. अहमदनगर) यांनी पोलिसांत तक्रार दिली आहे. त्यानुसार अज्ञात चोरट्याच्या विरोधात चोरीचा गुन्हा दाखल करण्यात आला आहे. रात्री अकराच्या सुमारास ही घटना घडली. पोलिसांनी दिलेल्या माहितीनुसार, तक्रारदार बोथरा हे रविवारी रात्री अकराच्या सुमारास त्यांची कार फग्युर्सन कॉलेजसमोरील रस्त्याच्या कडेला पार्क करून स्टार बक्स कॅफेमध्ये कॉफी पिण्यासाठी गेले होते. त्यानंतर अज्ञात चोरट्यांनी त्यांच्या कारच्या डाव्या बाजूच्या कारची काच फोडून सीटवर ठेवलेले दोन लॅपटॉप व सात हजार रुपये असा एकूण एक लाख २२ हजार रूपयांचा ऐवज चोरून नेला.
बोथरा हे कॉफी पिऊन आल्यानंतर त्यांना झाल्याचे लक्षात आले. त्यानंतर त्यांनी तात्काळ पोलिसांना घटनेची माहिती दिली. पोलिसांनी घटनास्थळी धाव घेऊन पाहणी केली. या प्रकरणी डेक्कन पोलिसांकडून सीसीटीव्हीच्या मदतीने आरोपींचा माग काढला जात आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
