पाकिस्तानमधील वृत्तपत्र ‘द न्यूज’ने दिलेल्या वृत्तानुसार, उर्जा क्षेत्रातील एलएनजीचा पुरवठा कमी करून घरगुती ग्राहकांना गॅस दिला तरी संकट कमी होणारे नाही. हा पर्याय जरी वापरला तरी २५० दशलक्ष स्टँडर्ड क्युबिक फूट प्रतिदिन गॅसचा तुटवडा जाणवणार आहे. त्याशिवाय काही उद्योगांना देण्यात येणाऱ्या आरएलएनजीचा पुरवठा आठवड्यातून एक दिवस थांबवावा लागणार आहे. पाकिस्तानमध्ये ४ जानेवारी ते २० जानेवारी दरम्यान गॅसची टंचाई अधिक जाणवणार आहे.
वाचा:
पाकिस्तानमधील इम्रान खान यांच्या नेतृत्वातील सरकारने मागील काही दिवसांपासून गॅस खरेदी केली नाही. त्याच्या परिणामी गॅस टंचाईचे संकट निर्माण होणार आहे. पाकिस्तानच्या अधिकाऱ्यांनी सांगितले की, काही उद्योगांचा गॅस पुरवठा थांबवण्यात आला आहे. त्यातच नायजेरियातून गॅस घेऊन येणाऱ्या टँकरला चार दिवसांचा उशीर झाला. त्यामुळे गॅस संकटात आणखी वाढ झाली असल्याचा दावा अधिकाऱ्यांनी केला. गॅस टंचाईमुळे पंजाब आणि अन्य राज्यातील लोकांना पुरेसा गॅस उपलब्ध होत नाही. त्यामुळे सरकारला काही उद्योगांचा गॅस पुरवठा थांबवावा लागला.
वाचा:
दरम्यान, पाकिस्तानमध्ये महागाईचा आगडोंब उसळला आहे. काही महिन्यांपूर्वी पीठाच्या किंमती गगनाला भिडल्या होत्या. आता, भाज्यांच्या किंमती गगनला भिडल्या आहेत. रावळपिंडीत ग्राहकांना एक किलो आलं हजार रुपयांना मिळत आहे. पाकिस्तानचे पंतप्रधान इम्रान खान यांची माजी पत्नी रेहम खान यांनी एका वृत्तवाहिनीचा व्हिडिओ ट्विट केला आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
