वाचा:
पोलिसांनी दिलेल्या माहितीनुसार, मंगेश रेवतकर हे धंतोलीतील खासगी रुग्णालयात कार्यरत आहेत. ते नेहमी रुचिता यांचा माहेरुन पैसे आणण्यासाठी छळ करायचे. आज सकाळीही रुचिता व मंगेश यांच्यात वाद झाला. वाद विकोपाला गेला आणि त्यातूनच नंतर रागाच्या भरात रुचिता यांनी पंख्याला ओढणी बांधून गळफास घेत आपलं जीवन संपवलं. मंगेश यांना गळफास लावलेल्या अवस्थेत रुचिता दिसल्या आणि त्यांच्या पायाखालची वाळूच सरकली. या घटनेची माहिती मिळताच बेलतरोडी पोलिसांचा ताफा तेथे पोहोचला व पंचनामा करण्यात आला.
वाचा:
रुचिता यांनी आत्महत्येपूर्वी लिहिलेली चिठ्ठी पोलिसांनी जप्त केली आहे. माहेरुन पैसे आणण्यासाठी पती व सासू छळ करीत आहेत. त्याला कंटाळून मी आत्महत्या करीत आहे. माझ्या मुलाचा चांगला सांभाळ करा, असे त्यांनी चिठ्ठीत लिहिले आहे. चिठ्ठीच्या आधारे तसेच अलका सुरेशराव कवडे (वय ५३ रा. पांढुर्णा) यांनी दिलेल्या तक्रारीवरून बेलतरोडी पोलिसांनी हुंडाबळीसह विविध कलमांन्वये गुन्हा दाखल करून मंगेश यांना अटक केली आहे.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
