काठमांडू: नेपाळमध्ये संसद विसर्जित झाल्यानंतर राजकीय घडामोडींना वेग आला आहे. एकीकडे सत्ताधारी नेपाळी कम्युनिस्ट पक्ष फुटीच्या उंबरठ्यावर असून दुसरीकडे नेपाळच्या राजकारणात चीनची लुडबुड पुन्हा एकदा सुरू झाली आहे. तापलेल्या राजकीय वातावरणात नेपाळमधील चीनच्या राजदूत होऊ यांकी यांनी मंगळवारी राष्ट्रपती विद्या देवी भंडारी यांची भेट घेतली. ही भेट जवळपास एक तास झाली.

नेपाळचे पंतप्रधान केपी शर्मा ओली यांनी राजकीय अंदाज चुकवत अचानकपणे संसद विसर्जित करण्याची मंत्रिमंडळाची शिफारस राष्ट्रपतींकडे पाठवली होती. राष्ट्रपतींनी ही शिफारस मान्य करत मुदतपूर्व निवडणुकीची घोषणा केली. एप्रिल-मे महिन्यात नेपाळमध्ये निवडणुका पार पडणार आहेत. ओली यांच्या निर्णयामुळे नेपाळमधील कम्युनिस्ट पक्ष फुटणार असल्याची दाट शक्यता आहे. नेपाळमध्ये सुरू असलेल्या या राजकीय घडामोडींमध्ये चीनने रस घेण्यास सुरुवात केली आहे.

चीनच्या राजदूत होऊ यांकी यांनी मंगळवारी राष्ट्रपती विद्या देवी भंडारी यांची भेट घेत राजकीय अस्थिरतेबाबत चर्चा केली असल्याचे समजते. नेपाळमधील कम्युनिस्ट पक्षात फूट पडू नये आणि लवकरच संसदेचे अधिवेशन बोलवावे यासाठी चीनकडून प्रयत्न सुरू असल्याची चर्चा आहे. त्याशिवाय राष्ट्रपती विद्या देवी भंडारी यांनी नेपाळचे कम्युनिस्ट नेते प्रचंड यांना साथ दिल्यास महाभियोगाचा धोका टळेल असे आश्वासन दिल्याची चर्चा आहे.

वाचा:

वाचा:

मंगळवारी राष्ट्रपतींची भेट झाल्यानंतर चीनच्या राजदूत होऊ यांकी यांनी बुधवारी सकाळी पुष्प कमल दहल ‘प्रचंड’ यांची भेट घेतली. त्याशिवाय चिनी राजदूतांनी कम्युनिस्ट पक्षातील इतर नेत्यांचीही भेट घेतली. यामध्ये रामबहादूर थापा, बामदेव गौतम यांची भेट घेतली असून त्यांना प्रचंड यांच्या गटात सहभागी होण्याची गळ घातली आहे. मधेशी पक्षाचे नेते उपेंद्र यादव, माजी पंतप्रधान बाबूराम भट्टाय यांनाही प्रचंड यांच्या गटासोबत राहण्यास सांगितले असल्याची चर्चा सुरू आहे.

वाचा: याआधीही चीनची लुडबुड

सीमा प्रश्नी भारताविरोधात भूमिका घेतल्यानंतर आणि इतर मुद्यावर सत्ताधारी कम्युनिस्ट पक्षात मतभेद निर्माण झाले होते. नेपाळमधील दिग्गज कम्यु्निस्ट नेते प्रचंड हे केपी शर्मा ओली यांच्या भूमिकेवरून नाराज होते. या वादातून पक्षात फूट पडून सरकार कोसळण्याची शक्यता निर्माण झाली होती. अशा वेळी चीनच्या राजदूत हाओ यांकी सक्रीय झाल्या होत्या. त्यांनी नेपाळच्या कम्युनिस्ट पक्षाच्या नेत्यांसह राष्ट्रपती विद्यादेवी भंडारी यांच्याशी थेट भेट घेत चर्चा केली होती. राष्ट्रपतींच्या भेटीबाबत परराष्ट्र मंत्रालयाच्या अवर सचिवांना याची माहिती देण्यात आली नव्हती. शिष्टाचारानुसार, या भेटीची माहिती देणे आणि भेटी दरम्यान प्रत्यक्ष उपस्थिती आवश्यक होती. मात्र, त्यांना या भेटीपासून दूर ठेवण्यात आले होते.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here