वाचा:
अॅमेझॉनच्या वेबसाइट व मोबाइल अॅपवर ( Marathi ) भाषेचा वापर केला जात नसल्याने मनसेने अॅमेझॉनविरोधात मोहीम उघडली आहे. त्यामुळेच अॅमेझॉनने न्यायालयात धाव घेतली आहे. अॅमेझॉनच्या मोबाइल अॅपवर मराठीचा पर्याय नसल्याच्या कारणावरून कार्यकर्त्यांनी आमच्या कंपनीची पोस्टर्स फाडल्याचा आरोप याचिकेत करण्यात आला आहे. या याचिकेची दखल घेत दिंडोशी न्यायालयाने ( Raj Thackeray ) आणि मनसे पदाधिकाऱ्यांना नोटिसा बजावल्या आहेत. राज यांना ५ जानेवारी रोजी प्रत्यक्ष कोर्टात हजर राहण्यास सांगण्यात आले आहे. त्याचवेळी न्यायालयाकडून यावर मनसेला निर्देशही देण्यात आलेले आहेत.
वाचा:
अॅमेझॉन ( Amazon ) कंपनी आणि कंपनीच्या कर्मचाऱ्यांच्या कामात कोणताही अडथळा आणू नये तसेच कंपनीची अडवणूक केली जात असल्याच्या आरोपांविषयी १३ जानेवारीपर्यंत प्रतिज्ञापत्रावर उत्तर दाखल करावे, असे निर्देश न्यायालयाने मनसेला दिले आहेत.
मनसेने दिला ‘हा’ इशारा
अॅमेझॉनने मनसेविरुद्ध न्यायालयात धाव घेतल्यानंतर मनसेच्या अधिकृत ट्वीटर हँडलवरून भूमिका स्पष्ट करण्यात आली आहे. ‘व्यापारी संकेतस्थळांच्या तंत्रप्रणालीमध्ये इतर भारतीय भाषांप्रमाणे मराठीचाही अंतर्भाव करावा म्हणून मनसेने आग्रही पाठपुरावा केला. काहींनी सकारात्मक प्रतिसाद दिला तर काहींनी चालढकल केली. त्यात सणासुदीत कुणाच्याही व्यवसायाला फटका बसू नये म्हणून महाराष्ट्र सैनिकांनी संयम बाळगला. पण त्यानंतरही महाराष्ट्रात व्यापार करताना ‘मराठीचा अंतर्भाव करायला आम्ही बांधिल नाही’ अशी मुजोरीची भाषा केली जाणार असेल आणि त्यासाठी लढणाऱ्या महाराष्ट्र नवनिर्माण सेनेवर, मनसे अध्यक्ष राज ठाकरे ह्यांच्यावर खटला भरला जाणार असेल तर महाराष्ट्र सैनिकांनी मुजोरांना कसं प्रत्युत्तर दिलंय ह्याचे इतिहासात दाखले आहेत आणि भविष्यात पाहायचे असतील तर पाहायला मिळतील. महाराष्ट्रात व्यापारी राजवट खपवून घेतली जाणार नाही इथे फक्त मराठी माणसाचीच ‘राज’वट असेल!’, असे मनसेने बजावले आहे.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
