अजूनही बहुतांश नोकरदारांना आयकर विवरण पत्रासाठी आवश्यक कागदपत्रांची जुळवाजुळव करणे शक्य झालेले नाही. त्यामुळे केंद्र सरकार विवरण पात्र सादर करायला मुदतवाढ देतील, असा आशेवर जर तुम्ही असाल तर तसे करू नका. शक्य झाल्यास शेवटच्या क्षणाची वाट न पाहता आयकर रिटर्न करा, असे आवाहन आयकर विभागाने केले आहे.
अंतिम मुदतीपर्यंत विवारण सादर केले नाही तर १ जानेवारी २०२१ किंवा त्यांनतर रिटर्न फाईल करणाऱ्या करदात्यांना विलंब शुल्क भरावे लागणार आहे. ‘आयकर कलम २३४ एफ’ नुसार हे आकारले जाणार आहे. यात किमान एक हजार ते जास्तीत जास्त १० हजारांचा भुर्दंड सहन करावा लागेल.
दरवर्षी ३१ जुलैपर्यंत आयकर विवरण सादर करण्याची मुदत असते. मात्र यंदा करोना संकट आणि त्यात लागू केलेली कठोर टाळेबंदी यामुळे अर्थ मंत्रालयाकडून दोन वेळा मुदत वाढवण्यात आली होती. ३१ जुलैनंतर ३० नोव्हेंबर ही अंतिम मुदत होती. त्यात आणखी एक महिन्याची वाढ करून ३१ डिसेंबरपर्यंत कालावधी वाढवून दिला आहे.
ज्या करदात्यांचे वार्षिक उत्पन्न पाच लाखांहून कमी आहे आणि अशा करदात्याने ३१ अंतिम मुदतीत विवरण सादर केले नाही तर त्याला एक हजार रुपयांचा दंड भरावा लागणार आहे. १ जानेवारी २०२१ ते ३१ मार्च २०२१ या कालावधीत आयटीआर सादर करणाऱ्या करदात्याला किमान १० हजारांचा दंड भरावा लागण्याची शक्यता आहे, असं मत टॅक्सटूविन या संस्थेचे मुख्य कार्यकारी अधिकारी अभिषेक सोनी यांनी सांगितले.
ज्या करदात्यांचे उत्पन्न करमुक्त आहे किंवा कर लागू होतो त्या मर्यादेपेक्षा कमी आहे अशाही नोकरदारानी आयटीआर विवरण सादर करणे आवश्यक आहे, असे त्यांनी सांगितले. विलंब शुल्कांपासून बचाव करण्यासाठी ३१ डिसेंबरपूर्वी करदात्यांनी आयटीआर रिटर्न सादर करणे आवश्यक आहे, असे त्यांनी स्पष्ट केले.
या व्यक्तींना भरावा लागेल आयटीआर रिटर्न
१) बँक खात्यात १ कोटीहून अधिक रक्कम आहे.
२) परदेशी यात्रा केली आहे आणि त्यावर २ लाखांहून अधिक रक्कम खर्च केली आहे.
३) आर्थिक वर्षात एक लाखाहून अधिक वीज बिल भरले आहे.
४) परदेशातून उत्पन्न मिळत असल्यास किंवा परदेशात मालमत्ता असल्यास अशा भारतीय व्यक्तींना आयटीआर रिटर्न भरावा लागेल.
५) कलम ५४, ५४ बी, ५४ डी , ५४ ईसी, ५४ एफ, ५४ जी, ५४ जीए, आणि ५४ जीबी या कलमात कर वजावट घेण्यापूर्वी कर सवलतीपेक्षा उत्पन्न अधिक असल्यास कर विवरण सादर करावे लागेल.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
