या प्रकरणात सिडको पोलिस ठाण्यात विजयकुमार रामदास सरोदे (४८, रा. गुरूनगर हौसिंग सोसायटी, सिडको) यांनी दिलेल्या फिर्यादीनुसार, विजय कुमार सरोदे हे सिव्हील कॉन्ट्रक्टर म्हणुन काम करतात. त्यांना जनावरांची आवड असल्याने दोन वर्षांपुर्वी त्यांनी पांढऱ्या रंगाचा एक घोडा दोन लाख दहा हजार रूपये किंमतीला विकत घेतला होता. या घोड्यासाठी आंबेडकरनगर भागातील स्मशान भुमीच्या बाजुला एक वीस बाय तीसचा प्लॉट घेऊन त्या ठिकाणी घोडा ठेवण्यासाठी गोठा निर्माण केला होता. २६ डिसेंबर रोजी या घोड्याला चारा पाणी केल्यानंतर विजय कुमार सरोदे हे एका रूग्णाला भेटण्यासाठी गेले होते. सायंकाळी त्यांनी आपल्या मुलाला गोठ्यातून आंबेडकरनगर चौकात बोलावून घरी गेले.
रविवारी सकाळी ७.३० वाजेच्या दरम्यान गोठ्या शेजारी राहत असलेल्या साजीद जिलानी यांनी फोन करून तुमच्या गोठ्याला आग लागल्याचे सांगितले. विजय सरोदे यांनी गोठ्यात येऊन पाहणी केली असता, या ठिकाणी घोडा मृत झाला होता. तसेच गोठ्यातील सामानही जळून गेले होते. या प्रकरणी कोणीतरी अज्ञात व्यक्तीने गोठयाला आग लावून घोड्याला जाळून मारण्याचा प्रयत्न केला, असा आरोप करून अज्ञात व्यक्तीच्या विरोधात सिडको पोलिस ठाण्यात गुन्हा दाखल करण्यात आला आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
