अॅमेझॉनच्या वेबसाइटवर मराठी भाषेला स्थान दिलं जावं अशी मागणी मनसेनं केली होती. सुरुवातीला अॅमेझॉनकडून मनसेच्या मागणीकडे दुर्लक्ष करण्यात आलं. त्यामुळं आक्रमक झाली. मुंबईत मनसे कार्यकर्त्यांनी अॅमेझॉनविरोधात आक्रमक होत, जाहिरातीचे फलक रंगवले. तर काही ठिकाणी फलक उतरवण्यात आले. हे प्रकरण कोर्टात गेलं होतं. मनसे अध्यक्ष राज ठाकरे यांना मुंबईतील दिंडोशी कोर्टानं नोटीसही बजावली होती. त्यानंतर मनसे अधिकच आक्रमक झाली होती.
मनसेच्या कार्यकर्त्यांनी ‘मराठी नाही तर अॅमेझॉन नाही’ ही मोहीम सुरूच ठेवली. पुण्यातील मनसे कार्यकर्त्यांनी चार दिवसांपूर्वी कोंढव्यातील अॅमेझॉनच्या कार्यालयाची तोडफोड केली होती. या प्रकरणात मनसेच्या आठ कार्यकर्त्यांना पोलिसांनी अटक केली. त्यानंतर त्यांना कोर्टात हजर करण्यात आलं. त्यांना एका दिवसाची पोलीस कोठडी सुनावली.
तत्पूर्वी, मुंबईतही मनसेच्या कार्यकर्त्यांनी अॅमेझॉन कार्यालयाची तोडफोड केली होती. त्यानंतर पोलिसांनी मनसे कार्यकर्त्यांविरोधात गुन्हा दाखल केला होता. त्यांना अटक करून अंधेरी येथील कोर्टात हजर केले. कोर्टानं मनसे कार्यकर्त्यांना एका दिवसाची पोलीस कोठडी सुनावली आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
