पंरप्रांतीयांची टोळी पुणे-अहमदनगर महामार्गावर दरोडा टाकण्याच्या तयारीत होती. एका ट्रकला लुटण्याचा त्यांचा प्रयत्न होता. मात्र, पुणे ग्रामीणच्या गुन्हे शाखेला या कटाची माहिती मिळाली होती. त्यानुसार पोलिसांनी सापळा रचला. या टोळीतील सहा जणांच्या मुसक्या आवळल्या आहेत. त्यांच्याकडील शस्त्रे आणि ११ तोळे सोने असा मुद्देमाल जप्त केला आहे.
गुन्हे शाखेचे पथक गस्तीवर असताना, दरोडा टाकण्याच्या तयारीत असलेली टोळी येत असल्याची माहिती खबऱ्यांमार्फत मिळाली होती. त्यानुसार पोलिसांनी सापळा रचला. महामार्गावरून जाणारी कार अडवली. या कारमध्ये सहा जण होते. त्यांना ताब्यात घेतले. त्यांची चौकशी केली असता, दरोडा टाकण्याची तयारी असल्याचे आरोपींनी सांगितले. या सर्व आरोपींकडून आठ लाखांहून अधिक रुपये किंमतीचा मुद्देमाल जप्त केला आहे. या प्रकरणी अधिक तपास सुरू असल्याची माहिती पोलिसांनी दिली.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
