वाचा:
महाराष्ट्रासह देशाने अखेर सरत्या वर्षाला निरोप दिला. सुरुवातीचे दोन महिने सोडले तर २०२० हे वर्ष करोना संकटाच्या छायेतच काढावं लागलं. हे संकट लवकर संपेल, अशी आशा बाळगून सगळे होते मात्र पदरी निराशाच पडली. या संकटासोबतच आता नवीन वर्षात प्रवेश करावा लागत आहे. त्यासोबत काही चांगल्या गोष्टी आहेत तर काही आव्हानेही उभी ठाकली आहेत. करोनावरील लसीकरणाची तयारी सध्या सुरू असून २ जानेवारी रोजी देशभरात लसीकरणाचा ड्राय रन घेण्यात येणार आहे. ही दिलासा देणारी बाब असताना ब्रिटनमधील नवीन करोना विषाणूचं संकट घोंगावू लागलं आहे. हा नवीन करोना रोखण्याचे प्रमुख आव्हान यात असणार आहे.
वाचा:
गेट वे ऑफ इंडिया, चौपाट्यांवर शुकशुकाट
देशात करोनामुळे नवीन वर्षाच्या जल्लोषाला यंदा मर्यादा होत्या. मुंबईत रात्रीची असल्याने रात्री ११ वाजल्यानंतर सर्व प्रमुख ठिकाणांवर शुकशुकाट पाहायला मिळाला. , मरिन ड्राइव्ह, गिरगाव व अन्य चौपाट्यांवर नववर्ष स्वागतासाठी थर्टी फर्स्टच्या रात्री मोठी गर्दी उसळत असते यंदा मात्र ही गर्दी पाहायला मिळाली नाही. करोना संसर्गाच्या पार्श्वभूमीवर ३१ डिसेंबरसाठी गाइडलाइन्स जारी करण्यात आल्या होत्या. त्यातच संचारबंदीही असल्याने रात्री ११ नंतर अनेकांनी घर गाठून घरीच नवीन वर्षाचे स्वागत केले. नव वर्ष स्वागताला फटाके फोडण्यास मनाई करण्यात आली होती. त्याचेही नागरिकांनी पालन केले. मुंबईतील नववर्ष स्वागत यंदा प्रथमच फटाकेमुक्त ठरलं. अनेक हॉटेल, पब, बारमध्ये न्यू ईयर पार्टीचे आयोजन करण्यात आले होते. मात्र, त्यांना वेळेचे बंधन घालून देण्यात आलेले असल्याने रात्री साडेदहा वाजताच पार्टी आवरती घ्यावी लागली. दरवर्षी रात्रभर चालणारं सेलिब्रेशन यंदा करोनामुळे सर्वांनाच टाळावं लागलं. मुंबईप्रमाणे पुण्यातही प्रमुख ठिकाणी रात्री ११ नंतर शुकशुकाट पाहायला मिळाला.
वाचा:
नवीन वर्षाचे स्वागत करत असताना त्यात करोनाला आमंत्रण मिळेल, अशाप्रकारे कोणताही नियमभंग होऊ नये म्हणून पोलीस दक्ष होते. मुंबई, पुणे तसेच अन्य महत्त्वाच्या शहरांत तसेच हिल स्टेशन्सवर पोलीस बंदोबस्त वाढवण्यात आला होता. यावर गृहमंत्री जातीनिशी लक्ष देऊन होते. त्यांनी पुणे पोलीस नियंत्रण कक्षात उपस्थित राहून नवीन वर्षाचे स्वागत केले व पोलिसांचा उत्साह वाढवला.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
