वाचा:
शहादा शहरातील सोनार गल्ली भागात शनिवारी दुपारी अचानक मोठा आवाज झाल्याने व्यावसायिकांसह परिसरातील नागरिक घरातून बाहेर रस्त्यावर आले होते. दिवसभर सोशल मीडियावर ग्रामीण भागातही भूकंपाचे धक्के व आवाज जाणवल्याचे मेसेज फिरत होते. तालुक्यातील सावळदा येथील भूकंपमापन केंद्रात भूकंपाची नोंद झाली असून, दुपारी १ वाजून २४ मिनिटांनी सुमारे ३.२ व दुपारी १ वाजून २६ मिनिटांनी २.२६ रिश्टर स्केल असे दोन धक्के जाणवले आहेत. शहरापासून सुमारे २४ किलोमीटर दूर असलेल्या मध्य प्रदेशातील पानसेमल व खेतीया या दोन्ही गावांचा मध्यभाग हा भूकंपाचा केंद्रबिंदू असल्याची माहिती भूकंपमापन केंद्राने दिली आहे. या धक्क्यामुळे कुठलेही नुकसान झाले नसले तरी दिवसभर प्रशासनाला ग्रामीण भागातील नागरिकांचे फोन येत असल्याची माहिती शहादाचे तहसीलदार डॉ. मिलिंद कुलकर्णी यांनी दिली.
वाचा:
भूकंपाची माहिती मिळताच त्वरित परिसराची पाहणी आम्ही केली आहे. स्थानिक यंत्रणेला सतर्क राहण्याच्या सूचना दिल्या आहेत. लोकांनी घाबरून जाऊ नये. कोणतीही अफवा पसरवू नये वा अफवांवर विश्वास ठेवू नये. काही शक्यता जाणवल्यास तातडीने मोकळ्या जागेत यावे आणि इमारती, भिंतीपासून दूर राहावे, असे आवाहनही डॉ. मिलिंद कुलकर्णी यांनी केले आहे. तर शहादा तालुक्यात काही गावांमध्ये भूकंपाचा धक्का जाणवल्याचे शहादा येथील भूकंप मापक केंद्राचे अधिकारी दिलीपसिंग ओंकारसिंग जाधव यांनी दिली.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
