मुंबई: ब्रिटनमधील नवीन विषाणूचा धोका लक्षात घेऊन राज्य सरकारने परदेशातून येणाऱ्या सर्वच प्रवाशांसाठी नियमावली जारी केलेली आहे. त्यानुसार व करोना चाचणी बंधनकारक असताना त्या नियमांचे पालन न केल्याने अभिनेता , आणि सोहेलचा मुलगा हे तिघे गोत्यात आले आहेत. ( )

वाचा:

परदेशातून मुंबईत व महाराष्ट्रात येणाऱ्या प्रवाशांसाठी सात दिवसांचे संस्थात्मक क्वारंटाइन बंधनकारक आहे. असे असताना दुबईतून परतल्यानंतर क्वारंटाइन न राहता संबंधित यंत्रणांची दिशाभूल करून अरबाज खान, सोहेल खान आणि निर्वाण खान हे तिघे आपल्या घरी गेल्याचे उघड होताच पालिकेने त्याची गंभीर दखल घेतली आहे. पालिकेकडून याबाबत पोलिसांकडे तक्रार करण्यात आली असून त्यावरून खार पोलीस ठाण्यात तिघांविरुद्ध गुन्हा दाखल करण्यात आला आहे.

वाचा:

अरबाज, सोहेल व निर्वाण हे तिघे २५ डिसेंबर रोजी दुबई येथून मुंबईत परतले. त्यांना हॉटेलमध्ये विलगीकरणात राहण्यास सांगण्यात आले होते. त्यानुसार आम्ही ताज लँड्स एंड हॉटेलमध्ये राहणार आहोत, असे तिघेही म्हणाले होते. मात्र, प्रत्यक्षात तिघेही थेट घरी गेले. त्यामुळे कोविड नियम मोडल्याप्रकरणी आम्ही तक्रार नोंदवली आहे, असे पालिकेकडून सांगण्यात आले. या तिघांनाही आता भायखळा येथील विलगीकरण केंद्रात ठेवले जाणार असल्याचेही सांगण्यात आले.

वाचा:

नेमकं काय घडलं?

पालिकेच्या एच पश्चिम विभागाचे वैद्यकीय अधिकारी डॉ. संजय फुंदे हे नेहमीप्रमाणे विभागात विलगीकरणात असलेल्या नागरिकांचा आढावा घेत होते. यावेळी अरबाज खान, सोहेल खान आणि निर्वाण खान हे तिघे २५ डिसेंबरला दुबईहून मुंबईच्या छत्रपती शिवाजी महाराज आंतरराष्ट्रीय विमानतळावर उतरले. नियमाप्रमाणे संस्थात्मक विलगीकरणात थांबणे गरजेचे असताना हे तिघेही विमानतळावरून थेट आपापल्या घरी निघून गेल्याचे लक्षात आले. ही बाब समोर येताच फुंदे हे पालिका आणि पोलिसांचे पथक घेऊन सोहेल खान याच्या वांद्रे येथील घरी पोहोचले. सोहेल याच्याकडे विचारणा केली असता २५ डिसेंबरला दुबईवरून परतल्याने त्याने कबूल केले. वांद्रे येथील हॉटेल ताज लँड्स मध्ये राहण्यासाठी बुकिंग केली होती मात्र विमानतळावर करोना चाचणी निगेटिव्ह आल्याने हॉटेलमध्ये न जाता थेट घरी आल्याचे त्याने सांगितले. विमानतळावर केलेली चाचणी निगेटिव्ह आली तरी सरकारी नियमानुसार ७ दिवस संस्थात्मक विलगीकरणात राहणे बंधनकारक आहे. सरकारी नियमांचे उल्लंघन केल्याप्रकरणी डॉ. संजय फुंदे यांनी तिघांविरुद्ध खार पोलीस ठाण्यात तक्रार केली. या तक्रारीवरून तिघांवर कलम १८८, २६९ सह संसर्गजन्य रोग प्रतिबंधक कायदा कलम ३ अन्वये खार पोलिसांनी गुन्हा दाखल केला.

वाचा:

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here