वाचा:
पोलिसांनी दिलेल्या माहितीनुसार, २१ डिसेंबर रोजी एका अनोळखी नंबरवरून किशोरी पेडणेकर यांना फोन आला. कॉल करणाऱ्या व्यक्तीने आपले नाव न सांगता पेडणेकर यांना जीवे मारण्याची धमकी दिली. ही व्यक्ती हिंदी भाषेत बोलत होती. त्याने महापौरांना अर्वाच्च भाषेत शिवीगाळही केली. सायंकाळी सहा वाजताच्या सुमारास पालिका मुख्यालयात असतानाच पेडणेकर यांना हा धमकीचा फोनकॉल आला होता. त्यानंतर दोन दिवसांनी याबाबत जवळच्या आझाद मैदान पोलीस ठाण्यात तक्रार करण्यात आली. त्या तक्रारीच्या आधारे पोलिसांनी भारतीय दंड विधानाच्या कलम ५०४, ५०६ (२), ५०७, ५०९ अन्वये गुन्हा दाखल केला आहे व आरोपीचा शोध सुरू करण्यात आला आहे.
वाचा:
पोलिसांनी या प्रकरणाबाबत कमालीची गुप्तता बाळगली आहे. अत्यंत नियोजनबद्धपणे आरोपीचा शोध घेतला जात आहे. सूत्रांच्या म्हणण्यानुसार, आरोपीचा शोध लागला असून त्याच्या मुसक्या आवळण्यासाठी शेजारच्या राज्यात एक पथक रवानाही करण्यात आलेले आहे. मात्र, या माहितीला अधिकृत दुजोरा कोणत्याही अधिकाऱ्याने दिलेला नाही.
वाचा:
दरम्यान, ही देशातील सर्वात श्रीमंत महापालिका असून गेल्या काही दिवसांपासून या पालिकेत राजकारण चांगलंच तापलेलं आहे. पालिकेच्या निवडणुकांना अजून बराच अवकाश असला तरी आतापासूनच सर्व पक्षांची त्यासाठी मोर्चेबांधणी सुरू झाली आहे. त्यात सत्ताधारी विरुद्ध या संघर्षालाही अधिकच धार चढलेली आहे. अशावेळी महापौर पेडणेकर यांना धमकीचा फोन आल्याने एकच खळबळ उडाली असून ही धमकी देणारा कोण आहे, त्याच्या मागे कुणाचा हात आहे, याचा उलगडा आरोपीच्या अटकेनंतरच होणार आहे. या संपूर्ण प्रकारावर महापौर पेडणेकर यांनी अद्याप माध्यमांकडे कोणतीही प्रतिक्रिया दिलेली नाही.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
