बाळ बोठे येणार जाळ्यात!; 'हा' युक्तिवाद कोर्टाने फेटाळला

नगर: येथील खून प्रकरणातील मुख्य संशयित आरोपी पत्रकार याच्याविरुद्ध स्टॅंडिंग वॉरंट जारी करण्यात आले आहे. यासाठी पोलिसांनी न्यायालयात दाखल केलेला अर्ज न्यायालयाने मंजूर केला आहे, अशी माहिती तपास अधिकारी पोलीस उप अधीक्षक यांनी दिली. ( )

वाचा:

रेखा जरे यांचा खून झाल्यानंतर फरार असलेल्या बाळ बोठेचा ठाव ठिकाणा अद्याप लागू शकलेला नाही. त्याला पकडण्यासाठी स्टॅंडिंग वॉरंट मिळावे म्हणून पोलिसांतर्फे पारनेरच्या न्यायालयात अर्ज दाखल करण्यात आला होता. त्यावर सुनावणी झाल्यानंतर प्रथम वर्ग न्यायदंडाधिकारी यांनी हा अर्ज मंजूर करून आरोपीविरूद्ध स्टॅंडिंग वॉरंट काढण्याचा आदेश दिला आहे.

वाचा:

तपासी अधिकारी अजित पाटील यांनी पारनेर न्यायालयात एक जानेवारीला हा अर्ज दाखल केला होता. बोठे याच्यावतीने या अर्जाला आव्हान देण्यात आले होते. त्याच्यावतीने अॅड. संकेत ठाणगे यांनी न्यायालयासमोर म्हणणे मांडले. आरोपी फरार नसून अटकपूर्व जामीन अर्जासाठी प्रयत्न करीत आहे, तो आरोपीचा हक्कच आहे, अशी बाजू त्यांनी मांडली. मात्र, न्यायालयाने हा युक्तिवाद फेटाळून फरारी आरोपीविरुद्ध स्टँडिंग वॉरंट काढण्याचा आदेश दिला.

वाचा:

यामुळे आता बोठेपुढील अडचणी वाढल्या आहेत. या वॉरंटमुळे बोठे याला राज्यात व अन्य राज्यात पकडणे शक्य होणार आहे. आरोपीच्या वतीने सत्र न्यायालयात अटकपूर्व जामिनासाठी केलेला अर्ज फेटाळण्यात आला होता. त्याविरोधात मुंबई उच्च न्यायालयाच्या औरंगाबाद खंडपीठात अपील केल्याचे सांगण्यात आले असले तरी त्यावर अद्याप सुनावणी झालेली नाही. पारनेर न्यायालयाने दिलेल्या आदेशामुळे पोलिसांच्या तपास कामाला मदत होणार आहे. आता या आधारे आम्ही पुढील हालचाली सुरू करणार आहोत. पुढील टप्प्यात आणखी काही कायेदशीर प्रक्रियांचा आधार घेतला जाऊ शकतो, असे पाटील यांनी सांगितले.

वाचा: