मिळालेल्या माहितीनुसार, सूरज बोरूडे (वय २१), सोनू साळुंके (२०), गणेश ठोंबरे (वय २३), बळीराम पतंगे (वय १९) आणि इतर एक जण अशा पाच जणांना पोलिसांनी बेड्या ठोकल्या आहेत. सोमवारी मध्यरात्री पावणे एक वाजता साधू वासवानी चौकाजवळ गोल्डमार्ट या सराफा दुकानावर दरोड्याच्या तयारीत असलेल्या टोळीतील लुटारूंना बंडगार्डन पोलिसांनी अटक केली आहे.
याबाबत पोलीस शिपाई गौरव उभे यांनी पोलीस ठाण्यात तक्रार दाखल केली. मिळालेल्या माहितीनुसार, मध्यरात्रीच्या सुमारास या हद्दीत गस्त घालत होते. त्याचवेळी चौक परिसरातील सराफा दुकानावर दरोडा टाकण्याच्या तयारीत असलेल्या टोळीबाबत माहिती मिळाली. त्यानुसार, पोलिसांनी सापळा रचला. पाच जणांना अटक केली. त्यांच्याकडील कोयते, मिरचीपूड, नायलॉनची दोरी आणि इतर घातक शस्त्रे ताब्यात घेतली. सराफा दुकानावर दरोडा टाकणार असल्याची कबुली आरोपींनी दिली आहे. या घटनेचा पुढील तपास सहायक पोलीस निरीक्षक हरीष ठाकूर करत आहेत.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
